काठमाडौं- बालअधिकारको क्षेत्रमा काम गर्ने अन्तर्राष्ट्रिय संस्था सेभ द चिल्ड्रेनले म्यानमारमा बालबालिकाको लागि निकै डरलाग्दो अवस्थामा सिर्जना भएको बताएको छ।
मारिने बालबालिकामध्ये केहीलाई सुरक्षा फौजले उनीहरुकै घरमा गएर गोली हानेकाे घटना सार्वजनिक भएसँगै सेभ द चिल्ड्रेनले म्यानमारमा निकै डरलाग्दो अवस्थामा सिर्जना भएको बताएको हो।
‘फ्रेब्रुअरी १ मा सेनाले सत्ता हत्ताएपछि जारी प्रदर्शनमा ४३ बालबालिका मारिएको छ। पछिल्लो समयको हिंसाले म्यानमार अब बालबालिकाको लागि सुरक्षित छैन भन्ने पुष्टि भएको छ,’ सेभ द चिल्ड्रेनले भनेको छ।
गत फेब्रुअरी १ मा सेना कू गरेपछि म्यानमार अशान्त रहँदै आएको छ। सेनाको कदमको विरोधमा हजारौं मानिसले प्रदर्शन गरिरहेका छन् र प्रदर्शनमा सेनाले घातक दमन गर्दै आएको छ।
एसिस्टेन्स एसोसिएसन फर पोलिटिकल प्रिजनर्स (एएपीपी)का अनुसार अहिलेसम्म ५३६ जनाको मृत्यु भइसकेको छ। गत शनिबार एकैदिन १४१ प्रदर्शनकारी मारिएका थिए। युरोपेली संघले यस दिनलाई ‘आतंकको दिन’ भनेको छ।
कतिपयले सुरक्षाकर्मीले बाटोमा जो भेट्यो, उसैलाई गोली हान्ने गरेको र केहीलाई घरभित्रै गएर मार्ने गरेका छन्।
यता मंगलबार संयुक्त विज्ञप्ति निकाल्दै म्यानमारका तीन धार्मिक सशस्त्र विद्रोही समूह टाङ लिबरेसन आर्मी, म्यानमार नेशनलिटिज डेमोक्रेटिक एलायन्स आर्मी र अराकान आर्मीले सेनाले जनतालाई मार्ने क्रम जारी राखे प्रदर्शनकारीहरुसँग सहकार्य गर्दै सेनाविरुद्ध लड्ने चेतावनी दिएका छन्।
गत बिहीबार कचिन स्वतन्त्र सेना (केआईए)का प्रवक्ता कर्नेल नाव बूलेले कचिन राज्यको डाफोनेयन क्षेत्रको आलाव बुअममा रहेको चौकी कब्जा गरेको दावी गरेको छ।
करिब ११ घण्टा लामो लडाईपछि उक्त चौकी कब्जामा लिइएको हो। यता म्यानमारको लागि राष्ट्रसंघीय दूतले सेनाको दमन बढेसँगै रक्तपात मच्चिने खतरा रहेको बताएका छन्।
म्यानमारको बिग्रिएको अवस्थाले अन्तर्राष्ट्रिय समुदायलाई चिन्तित बनाएको छ। राजधानी रंगुन र मान्डले लगायतका क्षेत्रहरुमा सेनाविरुद्ध प्रदर्शन जारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
