बैंक/बिमा/सेयर

नेप्सेको प्रणालीमा फेरि समस्या, नट्सबाट टिएमएसमा विवरण लोड नहुँदा कारोबार प्रभावित

नेपाल लाइभ बुधबार, चैत १८, २०७७ १३:२९

काठमाडौं- नेप्सेको प्रणालीमा प्राविधिक समस्या देखिएपछि बुधबार सेयर कारोबार प्रभावित भएको छ।

नेपाल स्टक एक्सचेन्ज (नेप्से)को अनलाइन कारोबार प्रणाली (नट्स) बाट ब्रोकर कम्पनीहरुको कारोबार व्यवस्थापन प्रणाली (टिएमएस)मा सेयर कारोबारसम्बन्धी विवरण लोड नभएपछि लगानीकर्ताले सेयर कारोबार गर्न नपाएका हुन्।

नेप्सेका अनुसार प्राविधिक समस्या देखिएपछि ब्रोकर डिएनए (डाइरेक्ट नट्स एक्सिस) प्रणालीलाई बन्द नै गरिएको छ। जसका कारण ब्रोकर कम्पनीहरुको टिएमएसबाट कारोबार हुन पाएको छैन। बुधबार कारोबार सुरु भएको एक घण्टामा नै यस्तो समस्या देखिएको हो।

यो पनि पढ्नुहोस्

नेप्सेको साइटमा बारम्बार किन दोहोरिन्छ प्राविधिक समस्या? सोमबार, चैत ९, २०७७

नेप्सेको प्रणालीमा प्राविधिक समस्या देखिएर कारोबार प्रभावित भएको यो पहिलोपटक भने होइन। सूचना सम्प्रेषणमा निकै सम्वेदनशील मानिने पुँजीबजारमा ‘प्राविधिक समस्या’को कारण पटक-पटक कारोबार प्रभावित हुने गरेको छ।

नेप्सेको कारोबार व्यवस्थापन प्रणाली (टिएमएस) नै नखुल्ने, कारोबारसम्बन्धी विवरण फरक र ढिलो देखिने, विवरण नै नदेखिने तथा खरिद-बिक्रीको अर्डर आफैं पटक-पटक दोहोरिने जस्ता समस्या देखिने गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण