काठमाडौं– पूर्वराष्ट्रपति विद्या भण्डारीलाई नेकपा एमालेको वरिष्ठ नेता बनाउने प्रस्ताव केन्द्रीय कमिटी बैठकमा पेश भएको छ।
ललितपुरमा जारी केन्द्रीय कमिटी बैठकमा भण्डारीलाई वरिष्ठ नेताको जिम्मेवारी दिने प्रस्ताव अघि सारिएको हो। एमालेका एक केन्द्रीय सदस्यका अनुसार भण्डारीलाई वरिष्ठ नेता बनाउने तयारी भएको छ।
तर, एमालेको हालको विधानमा ‘वरिष्ठ नेता’ पदको व्यवस्था छैन। गत भदौमा भएको विधान महाधिवेशनले पार्टी संरचनामा रहेको वरिष्ठ नेताको पद खारेज गरेको थियो।
भण्डारीको एमाले सदस्यता भने गत जेठमा अध्यक्ष केपी शर्मा ओलीले फुकुवा गरेका थिए। त्यसपछि उनको पुरानो सदस्यता नवीकरण गरिएको थियो। यससँगै पूर्वराष्ट्रपति भण्डारी औपचारिक रूपमा पुनः एमालेको सक्रिय राजनीतिमा फर्किएकी थिइन्।
भण्डारीले आफू ४५ वर्षदेखि एमालेसँग जोडिएको बताउँदै गत वर्ष सक्रिय राजनीतिमा फर्किने घोषणा गरेकी थिइन्। त्यसबेला उनको सदस्यता ‘पेन्डिङ’ राखिएपछि एमालेभित्र विवादसमेत भएको थियो।
हाल एमालेभित्र नेतृत्व पुनर्गठनको बहस चलिरहेका बेला भण्डारीलाई पार्टीमा महत्वपूर्ण जिम्मेवारी दिने प्रस्ताव अघि बढेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
