काठमाडाैं- म्यानमारकाे सैनिक निकट जुन्ता सरकारले भ्रष्टाचारको अभियोग लगाएको लोकतान्त्रिक नेतृ आङ साङ सू चीलाई १५ वर्षको जेल सजाय हुनसक्ने चेतावनी दिएकाे छ।
सरकारी टेलिभिजन एमआरटीभीले दिएकाे जानकारी अनुसार भ्रष्टाचारविरुद्धको कानून उल्लंघन गरेका कारण सू चीलाई १५ वर्षको जेल सजाय ताेकिन सक्ने भएकाे हाे।
फ्रेबुअरी १ मा सैन्य शासन लागू भएदेखि सू चीविरुद्ध वाकीटकी राखेकाे, काेराेना प्राेटाेकल उल्लघंन गरेकाे, निर्वाचनमा धाँधली गरेकाे र सरकारमा हुँदा भ्रष्टाचार गरेकाे लगायत विभिन्न आराेप लगाएकाे छ।
टेलिभिजनमा सार्वजनिक एक रिपोर्टमा से पाइङ कन्सट्रक्सनका प्रमुख मुआङ विकले सू चीलाई सन् २०१८ देखि २०२० सम्म ५ लाख ५० हजार अमेरिकी डलर घुस दिएको दावी गरेका छन्। यद्यपी सू चीका वकिल खिन मंग ज्वाले भने याे आराेपकाे खण्डन गर्दै आएका छन्।
उनले भनेका छन्, ‘सू चीविरुद्ध लगाइएको यो आरोप निराधार छ, विशेष गरी डलर र सुनको। यो रमाइलो मजाक हो।’ यस्तै सुचीले ड खिन की फाउन्डेसनमा सहयोग गरिएको रकम आफ्नो फाइदाको लागि प्रयोग गरेको पनि आरोप लागाइएकाे छ।
समाचारमा जनाइएअनुसार सू चीविरुद्ध व्यक्तिगत फाइदाका लागि चन्दा दिने, कार्यालयको लागि सरकारी स्वामित्वको जग्गा भाडामा लिएकाे र व्यावसायिक प्रशिक्षण केन्द्रको लागि जग्गा बजार मूल्यभन्दा कममा खरीद गरेको आराेप लगाइएकाे छ।
यता सेनाले सू चीलाई उनको कानूनी टोलीसँग भेट गर्न बन्देज लगाइएकाे। जसले याे आराेप पूर्णतय राजनीतिक प्रतिशाेध भएकाे बताउँदै आएका छन्। सू चीलाई मार्च १ मा अदालतमा लैजाने भनिएकाे थियाे तर इन्टरनेट सेवामा सेनाले छेडखानी गरेपछि उनलाई उपस्थित गराउन सकिएन।
सरकारले देशव्यापी प्रदर्शनलाई रोक्न आम सञ्चारमा बन्देज लगाउँदै आएकाे छ। यसअघि सैन्य ‘कू’विरुद्ध गरिएकाे प्रदर्शनलाई कभर गरेको भन्दै म्यान्मार नाउ, खित थित मिडिया, डेमोक्र्याटिक भ्वाइस अफ बर्मा, मिजिमा र सात दिनकाे प्रशारण अनुमतिपत्र खारेज गरेकाे थियाे।
म्यानमारको सेनाले फेब्रुअरीको सबैभन्दा भयावह विरोध प्रदर्शनपछि मार्शल ( सैन्य) कानून लागू गरेको छ। त्यहाँ प्रदर्शनमा उत्रिएकाहरुविरुद्ध अब सैन्य अदालतमा मुद्दा चलाउन सकिन्छ।
प्रदर्शनकारीहरुका अनुसार चीनले म्यानमारमा सेनालाई सहयोग पुर्याइरहेको छ। तर, यो स्पष्ट छैन कि कसले सहयाेग गरिरहेकाे छ।प्रदर्शनकारीहरूले सेनाले नियन्त्रणमा लिएकाे नेशनल लिग फर डेमोक्रेसी (एनएलडी)का प्रमुख नेतृ सू चीकाे रिहाइको माग गरिरहेका छन्। उनकाे पार्टीले गत नोभेम्बरमा सम्पन्न चुनावमा ठूलो जीत हासिल गरेकाे थियाे।
सेनाले उक्त मतगणना पछि राष्ट्रपति विन मिन्टसहित अधिकांश नेताहरुलाई पक्राउ गरेकाे छ। उनीहरुलाई अज्ञात स्थानमा राखिएको छ।
राजनीतिक कारागारका लागि सहयोग संगठन (एएपीपी) अनुगमन समूहका अनुसार म्यानमारमा सैन्य ‘कू’ लागू भएपछि २ सयभन्दा बढी प्रदर्शनकारी मारिएका छन्।
पछिल्लाे समय सेना र प्रहरीहरुले सीधा भीडमा ताकेर गाेली हान्ने गरिरहेका छन्। सेनाले मरेका र घाइतेहरूलाई घिस्याउँदै लगेकाे भिडियाेहरु सामाजिक सञ्जालमा भाइरल छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
