मूल्यवृद्धि ३ प्रतिशतभन्दा तल, निर्माण सामग्री ६.२५ प्रतिशतले महँगियो

अर्थ समाचार

नेपाल लाइभ मंगलबार, चैत ३, २०७७ १७:२५

काठमाडौं- चालु आर्थिक वर्षको सातौँ महिना (माघ)मा आइपुग्दा मूल्यवृद्धि तीन प्रतिशतभन्दा कममा झरेको छ। नेपाल राष्ट्र बैंकका अनुसार माघमा वार्षिक विन्दुगत उपभोक्ता मूल्यवृद्धि २.७० प्रतिशत रहेको छ।

अघिल्लो वर्षको माघमा मूल्यृद्धि ६.८७ प्रतिशत थियो। माघ महिनामा खाद्य तथा पेयपदार्थ समूहको मूल्यवृद्धि ३.०२ प्रतिशत र गैरखाद्य तथा सेवा समूहको मूल्यवृद्धि २.४४ प्रतिशत छ।

राष्ट्र बैंकका अनुसार २०७६ माघको तुलनामा २०७७ माघमा फलफूल, घिउ तथा तेल, दाल तथा गेडागुडी र सुर्तीजन्य वस्तुहरु उपसमूहको मूल्यवृद्धि क्रमशः १८.८४ प्रतिशत, १८.१४ प्रतिशत, १०.४१ प्रतिशत र १०.४१ प्रतिशत रहेको छ।

माघ महिनामा काठमाडौं उपत्यकामा २.१२ प्रतिशत, तराईमा २.७८ प्रतिशत, पहाडमा ३.३० प्रतिशत र हिमालमा २.०५ प्रतिशत मूल्यवृद्धि भएको छ। २०७६ माघमा यी क्षेत्रहरुमा क्रमशः ७.५८ प्रतिशत, ७.२९ प्रतिशत, ५.४६ प्रतिशत र ५.२८ प्रतिशत मूल्यवृद्धि रहेका थिए।

२०७७ माघमा वार्षिक विन्दुगत थोक मूल्यवृद्धि ६.१२ प्रतिशत रहेको राष्ट्र बैंकले जानकारी दिएको छ। अघिल्लो वर्षको माघमा यस्तो मूल्यवृद्धि ७.१३ प्रतिशत थियो। यो अवधिमा उपभोग्य वस्तु, मध्यवर्ती वस्तु र पुँजीगत वस्तुको थोक मूल्यवृद्धि क्रमशः ८.४१ प्रतिशत, ५.३३ प्रतिशत र ३.३९ प्रतिशत छ। माघमा निर्माण सामग्रीको थोक मूल्यवृद्धि ६.२५ प्रतिशत छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

२५ करोड कुनै भरियाको हुँदैन, मालिक समातेर देखाउनू : सांसद अमरेशकुमार

शिक्षक सेवा आयोगको सदस्यमा दुई जना नियुक्त

चैत २४ गते सार्वजनिक बिदा, यस्तो छ क्याविनेटका ११ निर्णय