१८६ आयातकर्तालाई तत्काल रकम बुझाउन वीरगञ्ज भन्सारको आग्रह

अर्थ समाचार

नेपाल लाइभ सोमबार, चैत २, २०७७ १५:२४

काठमाडौं- वीरगञ्ज भन्सार कार्यालयले बेरुजु नतिर्ने १८६ आयातकर्तामाथि कारबाही प्रक्रिया अघि बढाएको छ। आर्थिक वर्ष २०७५/०७६ र २०७४/०७५ मा कारोबार गर्ने ती आयातकर्ताको कारोबारमा महालेखापरीक्षकको कार्यालयले बेरुजु औंल्याएको थियो। यही रकम तत्काल फर्स्योट गर्न कार्यालयले भनेको हो।

वीरगञ्ज भन्सार कार्यालयका प्रमुख भन्सार प्रशासक महेश आचार्यले ७ दिनभित्र बेरुजु फर्स्योट नगर्नेको निर्यात-आयात (एक्जिम) कोड स्थगनदेखि कारोबार रोक्कासम्मको कारबाही अघि बढाइने जानकारी दिए।

'हामीले सार्वजनिक सूचनामार्फत् रकम दाखिला गर्न भनेका छौँ,' उनले भने, 'समयमै काम नगर्नेमाथि कारबाहीको प्रक्रिया अघि बढ्छ।'

महालेखा परीक्षकको कार्यालयले ती व्यवसायीको कारोबारमाथि प्रश्न उठाउँदै रकम असुल गर्न भनेको थियो। त्यसैअनुसार कार्यालयले तत्काल रकम दाखिला गरी त्यसको जानकारी गराउन भनेको हो।

कार्यालयका अनुसार व्यवसायीले २ हजार रूपैयाँदेखि ५० लाख रूपैयाँसम्म तिर्नुपर्ने देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेल नेपाल सुपर लिगको लागि खल्ती र आइएमई पे आधिकारिक टिकेटिङ पार्टनर

परराष्ट्र मन्त्री राणा र भारतीय विदेश मन्त्री जयशंकरबीच भेटवार्ता

गाजा आक्रमण: ४ सयभन्दा बढी मारिए, सुरक्षित स्थानतर्फ जाँदै स्थानीय