काठमाडौं–भारतको कोलकातास्थित भवनमा आगलागी हुँदा ७ जनाको मृत्यु भएको छ। उक्त भवनमा रेलवेको कार्यालय रहेको बताइएको छ। स्ट्रन्ड सडक क्षेत्रस्थित भवनको १३ औं तलामा राति भएको भीषण आगलागीमा परी कम्तिमा ७ जनाको मृत्यु भएको भारतीय सञ्चारमाध्यमले जनाएका छन्।
मृत्यु हुनेहरुको संख्या अझै बढ्न सक्ने उनीहरुको भनाइ छ। हालसम्म आगलागीको कारण भने थाहा हुन सकेको छैन।
मृतकमध्ये चार फायर ब्रिगेड र एक आरपीएफ जवान छन्। त्यसैगरी, कोलकाता पुलिसका एक एएसआई र लिफ्ट म्यान पनि रहेको बताएको छ।
आगलागीमा परेर केही व्यक्ति घाइते भएको समेत समाचारमा उल्लेख छ। आगो नियन्त्रणमा लिन १५ वटा दमकलको प्रयोग भएको थियो।
भवनमा आगलागी भएपछि पश्चिम बंगालका मुख्यमन्त्री ममता बनर्जी घटनास्थलमा पुगेकी छन्। सूचना पाएपछि घटनास्थलमा पुगेकी मुख्यमन्त्री बनर्जीले मृतकका आफन्तलाई १० लाख रुपैयाँ क्षतिपूर्तिसहित एक सदस्यलाई सरकारी जागिर िदने घोषणा गरेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768438874.png)
-1768395492.png)
-1764146706.png)
