काठमाडाैं– ब्रिटिस राजकुमार ड्युक अफ ससेक्स ह्यारीकी पत्नी मेगनले बकिंघम राजदरबारले आर्चीलाई रंगका कारण राजकुमारको उपाधि नदिएको आरोप लगाएका छन्।
शनिबार राति सीबीएस टीभीका लागि ओप्रा विन्फ्रेले लिएको अन्तर्वार्ता रंगको कारण नै आफ्नो छोरालाई राजदरवारले राजकुमारको उपाधि नदिएको आरोप लगाएकी हुन्।
‘जब म गर्भवती थिए त्यो बेला नै चर्चा सुरु भइसकेको थियो आर्चीले शाही सुरक्षा पाउँछन् वा पाउँदैनन्। आर्चीलाई शाही उपाधि प्रदान नगर्ने र त्यो भन्दा आर्चीको छालाको रङ कति कालो हुन्छ भनेर चर्चा हुन्थ्यो,’ मेगनले भनेकी छिन्।
मेगनले रंगभेदी कुराले आफूलाई बाँच्नै मन नलागेको पनि बताएकी छिन्। ‘मेरो लागि सबैभन्दा ठूलो उपाधि आमा हो। म हैरान भएकी हाम्रो छोरालाई कुनै सुरक्षा नदिने बताइएको थियो, गैर–गोरा सन्तान भएका कारण। मैले फर्ममा मद्दत माग्ने प्रयास पनि गरेकी थिएँ तर मेरो माग खारेज भयो। यस्तो हुँदा मलाई मर्न मन लाग्थ्यो,’ उनले भनेकी छिन्।
मेगन र ह्यारीको पहिलो सन्तानको रुपमा छोरा आर्ची जन्मिएका छन्। मे ६ सन् २०१९ मा आर्चीको जन्म भएको थियो। अन्तर्वार्ताको क्रममा मेगनले हाल आफू गर्भवती रहेको समेत खुलाएकी थिइन्। उनले आफ्नो दोस्रो सन्तानको रुपमा छोरी जन्मिने बताइन्।
ह्यारीले आफ्ना छोरा आर्चीले बहिनी उपहार पाउने बताउँदै अब आफ्नो परिवार पुरा भएको बताए। मेगनले पनि अब दुई सन्तानपछि सन्तानको चाहना आफूहरुलाई पुरा भएको बताइन्।
मेगनले अन्तर्वार्तामा शाही परिवार र फर्मबीचको अन्तर पनि बताइन्। उनका अनुसार फर्म शाही परिवारको व्यापारसँग जोडिएका मानिसहरु हुन्।
सो क्रममा उनले महारानीको व्यवहार आफूसँग सधैँ उत्कृष्ट भएको पनि बताइन्। शाही परिवारमा रहँदा मेगनले एक्लोपन महसुस गरेकी थिइन। ‘कयौं दिनसम्म मैले एक्लोपन महसुस गरेको थिए। जीवनमा पहिलोपटक त्यस्तो महसुस गरेको थियो। मलाई नियमले बाँधेको थियो र साथीसँग बाहिर खाना खान जान पाउँदिन थिएँ,’ उनी भन्छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
