काठमाडाैं– अफ्रिकी मुलुक इक्वेटोरियल गिनीमा रहेको एक सैन्य अड्डामा शृंखलाबद्ध डाइनामाइट विस्फोट हुँदा कम्तीमा १७ जनाको मृत्यु भएको छ।
स्थानीय सञ्चारमाध्यमका अनुसार, देशको मुख्य सहर बाटामा रहेको सैनिक ब्यारेक नजिकै भएका विस्फोटमा परि अन्य ५०० जना घाइते भएका छन्।
घटना आइतबार साँझ भएको हो। बन्दरगाह शहरको सैन्य अड्डामा विस्फोट भएपछि धुवाँको मुस्लाे उडेको भिडियोहरू सार्वजनिक भएका छन्। सामाजिक सञ्जालमा आएका तस्वीरमा धुवाँको बाक्लो मुस्लो अनि व्यापक क्षतिका दृश्यहरू देखिन्छ। त्रसित मानिसहरू धुवाँको मुस्लोका माझ लरखराउँदै सुरक्षित स्थलतर्फ हिँडेका देखिन्छ।
गम्भीर तथा अति गम्भीर घाइतेहरूलाई तीन वटा अस्पतालमा उपचार भइरहेको छ। ती अस्पतालमा अत्यधिक चाप परेको बताइएको छ।
लगातार ट्विट गर्दै स्वास्थ्य मन्त्रालयले स्वयंसेवकहरूलाई बाटा क्षेत्रीय अस्पतालमा सहयोगका निम्ति पुग्न आह्वान गरेको छ। रक्तदानको निम्ति पनि आह्वान गरिएकाे छ।
स्पेनी राजदूतावासले आफ्ना नागरिकलाई घरभित्रै बस्न भनेको छ। सन् १९६८ सम्म उक्त देश स्पेनको उपनिवेश थियो।
विस्फोटक पदार्थ डाइनामाइटको भण्डारणमा भएको लापरबाहीका कारण उक्त घटना भएको राष्ट्रपति टियोडोर ओबियाङ्ग एनग्वेमाले बताएका छन्।
इक्वेटोरियल गिनी सन् १९६८ सम्म स्पेनको उपनिवेश थियो। त्यहाँको तेल उद्योगका कारण सबसहारा क्षेत्रको सबभन्दा धनी देश हो। विश्वव्यापी रूपमा कच्चा तेलको मूल्य घटेपछि उक्त देशको अर्थतन्त्र संकटमा परेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
