काठमाडाैं– ब्रिटिस राजकुमार ड्युक अफ ससेक्स ह्यारी र उनकी पत्नी मेगनले राजपरिवारको वरिष्ठ सदस्यको जिम्मेवारीबाट पन्छिएको एक वर्षभन्दा लामो समय भइसकेको छ।
उनीहरूले गत जनावरीमा राजपरिवारको वरिष्ठ सदस्यको हैसियतले निभाउनुपर्ने भूमिका परित्याग गर्ने घोषणा गरेका थिए। त्यो बेला उनीहरूले आफूहरू आर्थिक हिसाबले पनि स्वतन्त्र हुनको लागि कमाइ हुने काम गर्न चाहेको बताएका थिए।
गत साता बकिंघम राजदरबारले राजकुमार ह्यारी र उनकी पत्नी मेगन राजकीय जिम्मेवारीमा नफर्कने जनाएको थियो। दोस्रो बच्चाको पर्खाइमा रहेका राजकुमार दम्पति एक वर्षीय पुत्र आर्चीका साथ अमेरिकाको क्यालिफोर्नियामा बसाइ सरिसकेका छन्।
यसैबीचमा प्रिन्स ह्यारी र उनका श्रीमती मेगन मर्केलले दिएको अन्तर्वार्ता अमेरिकामा आइतबार राति प्रसारण हुँदैछ। सीबीएस टीभीमा प्रसारण नुहँदै अमेरिकी टेलिभिजन प्रस्तोता ओप्रा विन्फ्रेसँगको सो अन्तर्वार्ता अहिले चर्चामा आएको छ।
यो अन्तर्वार्तापछि ह्यारी दम्पती र बेलायती राजतन्त्रबीचको तिक्ततापूर्ण सम्बन्ध बुझ्न सकिने बताइएको छ। अन्तर्वार्तामा ह्यारी र मेगनले आफूहरुले किन राजकीय पदवी त्यागेको भनेर खुलाउँदैछन्।
यसका साथै अन्तर्वार्तामा उनीहरूले अमेरिका सर्नुअघि राजपरिवारका सदस्यको रूपमा कस्तो अनुभव गरे भनेर खुलाउँदैछन्।
अन्तरवार्ता प्रशासरण नहुँदै एक ‘क्लिप’ सामाजिक सञ्जालमा भाइरल भएको छ। उक्त ‘क्लिप’मा मेगनले बकिङघम दरवारले उनीहरूको बारेमा झुठो आरोपहरु लगाएको पनि बताएकी छिन्।
‘मलाई थाहा छैन यो सबै समयपछि पनि राजपरिवारले हाम्रा बारेमा गलत कुराहरू फैलाइरहँदा पनि कसरी उनीहरू हामी चुप लागेर बस्छौँ भनेर सोच्छन्। अझै पनि हामी आफ्नो कथा सुनाउन चुप हुनुहुँदैन,’ हमेगनले भनेकी छन्।
सार्वजनिक क्लिपको अंशमा ह्यारीले बेलायती खराब पत्रकारिताको अभ्यासका कारण आफ्नो व्यक्तिगत जीवन तहसनहस भएको उल्लेख गरेका छन्।
‘मेरो मानसिक स्वास्थ्यमा क्षति पुग्न लागेको छ। यस्तो अवस्थामा म कुनै पनि पति वा पिताले चाल्ने कदम नै अवलम्बन गर्न सक्दिनँ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
