चल्तीको भाडा तिरे स्ट्यान्डर्ड चार्टर्ड बैंकले ट्रष्टको जग्गा थप एक वर्ष पाउने

अर्थ समाचार

नेपाल लाइभ आइतबार, माघ २५, २०७७ १५:३३

काठमाडौं- स्ट्यान्डर्ड चार्टर्ड बैंकले बजार दरअनुसार (चल्तीको मूल्य)को जग्गा भाडा रकम तिरे थप एक वर्षसम्म नेपाल ट्रष्टको जग्गा भोगचलन गर्ने पाउने भएको छ।

ट्रष्टको स्वामित्वमा रहेको ६ रोपनी १३ आनाभन्दा बढी जग्गा अहिले स्ट्यान्डर्ड चार्टर्ड बैंकको लाजिम्पाट शाखा रहेको स्थानको वार्षिक भाडा १ करोड १५ लाख रुपैयाँ तिरेर भोगचलन गर्दै आएको छ। बैंकले पनि बजार दरअनुसार भाडा तिर्ने र थप एक वर्षको समय मागेको थियो।

सोहीअनुसार ट्रष्टको सञ्चालन समितिको ६४औं बैठकले २०७८ जेठमा सम्झौता अनुसार लिज भाडा समय सम्पन्न भएपछि पनि बजार रेटअनुसार भाडा तिर्न सहमत भएको अवस्थामा एक वर्षको समय थप गर्न सकिने निर्णय गरेको हो।

तर, बजार रेटअनुसार भाडा तिर्न बैंक सहमत नभएको अवस्थामा भने सञ्चालक समितिको ६३औं बैठकले गरेको निर्णयअनुसार टेन्डर प्रक्रियाबाट जग्गा भाडामा दिने निर्णयसमेत गरेको छ।

ट्रष्टले उक्त जग्गा अहिलेको अवस्थामा ३ करोड रुपैयाँभन्दा बढी रकममा भाडामा लगाउन सक्ने अवस्था रहेको जनाउँदै आएको छ। जसका कारण अहिले करोड भाडा तिर्दै आएका स्ट्यान्डर्ड चार्टर्ड सवा ३ करोड रुपैयाँसम्म भाडा तिर्नुपर्ने हुन्छ।

स्ट्यान्डर्ड चार्टर्डले उक्त जग्गा सन् २००५ देखि १५ वर्षका लागि भाडामा लिएको थियो। काठमाडौं महानगरपालिकाको कित्ता नम्बर ४०२, ४०४ र ४९५ को ६ रोपनी १३ आना जग्गा भोगचलन गर्दै आएको थियो।

बैंकले २०१२ जुन १ देखि २०१४ को मे ३१ सम्म वार्षिक भाडा ७५ लाख ५६ हजार १ सय ४८ रुपैयाँ तिरेको थियो। यसैगरी अहिले यो भाडा बढेर २०२० जुन १ देखि २०२१ मे ३१ सम्मको भाडा १ करोड १५ लाख ३ हजार ३ सय ५६ रुपैयाँ तिर्नेछ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संविधान प्रदत्त जिम्मेवारी पूरा गर्न कटिबद्ध छौँ : सेना

मुलुक कार्यकारी राष्ट्रपति प्रणालीमा जानुपर्छ : अध्यक्ष दाहाल

आगलागीबाट ताप्लेजुङमा एकको मृत्यु