नेपाली मौलिक गरगहना निर्यातमा जोड

अर्थ समाचार

नेपाल लाइभ आइतबार, माघ २५, २०७७ १४:३६

काठमाडौं- सुनचाँदी व्यवसायीले नेपाली मौलिक गरगहना निर्यातमा जोड दिएका छन्। परम्परागत कला कौशलयुक्त गरगहनाको निर्यातबाट रोजगारी प्रवर्द्धन गर्दै मुलुकमा विदेशी मुद्रा आर्जनको समेत प्रशस्त सम्भावना रहेको भन्दै व्यवसायीहरुले यसको सम्वर्द्धनमा जोड दिएका हुन्।

नेपाल सुनचाँदी व्यवसायी महासंघका अध्यक्ष माणिकरत्न शाक्यले नेपाली मैलिक गरगहनाको निर्यातबाट व्यवसाय वृद्धि मात्र नभई मुलुकभित्रै रोजगारीको अवसर समेत सृजना हुने बताए। गहना निर्यात बढ्दा मुलुकमा विदेशी मुद्रा भित्रने सम्भावना पनि बढ्ने भएकोले यसतर्फ सरकार र व्यवसायी सबैको ध्यान जान आवश्यक भएको उल्लेख गरे।

मकवानपुर सुनचाँदी व्यवसायी संघको तेस्रो वार्षिक साधारणसभाका अवसरमा महासंघका अध्यक्ष शाक्यले कच्चा पदार्थको पर्याप्त आपूर्तिका लागि विद्यमान कोटामा वृद्धि गर्नका लागि आवश्यक पहल भइरहेको बताए। त्यसक्रममा महासंघका उपाध्यक्ष दियशरत्न शाक्यले व्यवसाय सञ्चालनका क्रममा देखिएका समस्या समाधान हुनुपर्नेमा जोड दिए।

बागमती प्रदेशका संयोजक ज्योतिरत्न बज्राचार्य, मकवानपुर सुनचाँदी व्यवसायी संघका पूर्वअध्यक्ष एवं सल्लाहकार पूर्णरत्न शाक्य, राष्ट्रिय उपभोक्ता मञ्चका अध्यक्ष प्रेमलाल महर्जनलगायतले आफ्नो भनाइ राखेका थिए।

संघका अध्यक्ष केशव रसाइलीले समेत निर्यात प्रवर्द्धनमा सरकार तथा व्यवसायीले पहल गर्न आवश्यक रहेको औंल्याएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा