नेपाल ट्रष्टको हटौंडास्थित जग्गामा मुख्यमन्त्री निवास बनाइने

अर्थ समाचार

नेपाल लाइभ बिहीबार, माघ २२, २०७७ १९:५६

काठमाडौं- नेपाल ट्रष्टको स्वामित्वमा रहेको हेटौँडास्थित जग्गा बागमती प्रदेश सरकारले ‘लिज’मा लिएर मुख्यमन्त्री निवास बनाउने भएको छ। प्रदेश सरकारले मुख्यमन्त्री निवास बनाउने प्रयोजनका लागि हेटौँडाको जग्गा नेपाल ट्रष्टको कार्यालयसँग माग गरेको थियो। सोही जग्गामा मुख्यमन्त्री निवास बन्ने भएको हो।

ट्रष्टको स्वामित्वमा रहेको हेटौंडा उपमहानगरपालिका-१० को कित्ता नम्बर ३५५ को एक बिघा १९ कट्ठा ३.५ धुर जग्गामा रहेको कान्ति ईश्वरी गृह थियो। उक्त जग्गामा मुख्यमन्त्री निवासका साथै संग्रहालय निर्माणका लागि माग प्रदेश सरकारले माग गरेको थियो। उक्त जग्गामध्ये ९.७५ कट्ठा जग्गा लिजमा उपलब्ध गराउन र बाँकी जग्गामा संग्रहालय बनाउने प्रयोजनका लागि प्रदेश सरकारले जग्गा मागेको थियो।

प्रदेश सरकारको मागपछि ट्रष्टको ६२औं र ६३औं सञ्चालक समिति बैठकमा उक्त विषय प्रवेश भएको थियो। ट्रष्टको ६४औं सञ्चालक समिति बैठकले प्रदेशको मुख्यमन्त्रीको निवास र प्रशासकीय भवन निर्माणका लागि ९.७५ कट्ठा जग्गा मुख्यमन्त्री तथा मन्त्रिपरिषदको कार्यालयलाई २५ वर्षका लागि लिजमा उपलब्ध गराउने सम्झोता गर्न लेखी पठाउने निर्णय गरेको हो। एक बिघा १९ कट्ठा ३.५ धुर जग्गामध्ये ९.७५ कठ्ठा लिजमा गएपनि बाँकी जग्गामा भने संगहालय निर्माण हुने भएको हो।

समितिको बैठकले सरकारी दररेटमा उक्त जग्गा लिज (भाडा)मा दिन सिफारिस गर्ने निर्णय गरेको हो। साथै कान्ति-ईश्वरी गृहलाई संग्रहालयको रूपमा विकास गर्ने सम्बन्धमा विस्तृत परियोजना प्रस्ताव पेस गर्न समेत प्रदेश सरकारलाई पत्र पठाउने निर्णयसमेत भएको छ।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा