काठमाडौं– फेसियल हाउसले नयाँ अवधारणामा फेसन शो गर्ने भएको छ। आगामी जेठ ११ गते हुने ‘फेसन ट्रेड सिजन २’लाई ‘फेसन सबैका लागि’ अवधारणामा प्रस्तुत गर्न लागिएको आयोजकले जनाएको छ।
आइतबार राजधानीमा आयोजित पत्रकार सम्मेनलमा बोल्दै आयोजक फेसियल हाउसकी प्रबन्ध निर्देशक सुषमा महराले ‘फेसियल हाउस फेसन ट्रेड सिजन २’ले फेसनको दुनियाँमा नयाँ मान्यता स्थापित गर्ने बताइन्।
उनले भनिन्, ‘यसपल्ट हामीले समय सान्दर्भिक फेसनलेबल डिजाइन, मेकअप र भविष्यमा हुने र चल्ने डिजाइन तथा मेकअपलाई फेसन टेड्र मार्फत प्रस्तुत गर्न लागेका छौं।’
फेसनसँग जनजीवनलाई जोड्ने प्रयास अन्तर्गत आफूहरुले फेसन शोको परम्परागत अवधारणालाई परिवर्तन गर्न खोजेको फेसियल हाउस इन्टरटेनमेन्टका अध्यक्ष उज्वलजंग शाह बताउँछन्।
उनी भन्छन्, ‘फेसन हिरो/हिरोइन र मोडलले गर्ने कुरा हो भन्ने मान्यता छ। तर, सबै पेशा, व्यवसाय र क्षेत्रमा रहेकाहरु आकर्षक र स्मार्ट बन्न जरुरी हुन्छ। यो फेसन शोबाट त्यही सन्देश प्रवाह गर्न खोज्दै छौं।’
फेसियल हाउसले यस पटक फेसन शोका लागि मोडल मात्रै नभई रोलमोडल पनि छानेको जनाएको छ। 8का प्रतिष्ठित विभिन्न पेशा, व्यवसाय र क्षेत्रमा आफूलाई स्थापितहरुलाई र्याम्पमा उतार्ने प्रयास गर्न खोजिएको पत्रकार सम्मेलनमा जानकारी दिइयो।
जेठ ११ गते हुने कार्यक्रममा साप्ताहिकका सम्पादक सुवास ढकाल, शुक्रबारका सम्पादक केपी ढुंगाना, कामनाका सम्पादक विदुर गिरी लगायतका एक दर्जन पत्रकारलाई पनि र्याम्पमा उतार्न लागिएको छ।
यसैगरी कलाकारहरु करिश्मा मानन्धर, सविन श्रेष्ठ, क्षितिजा शाक्य, दिक्पाल कार्की, आमेश भण्डारी, एसराज गराच लगायत र्याम्पमा उत्रिँदै छन्। मिस नेपालहरु उषा खड्गी र सुगरिका केसी, ‘मेरी बास्सै’की कलाकार सुनिता गौतम पनि र्याम्पमा उत्रिनेछन्।
फेसियल हाउसले वर्षौंदेखि सबै प्रकारका व्यक्तित्व, सबै क्षेत्र र सबै पेशाकर्मीलाई सुन्दर बनाउँदै आएको छ। त्यसैले फेसियल हाउस सुहाउँदो हेयर डिजाइन, छालाको निरन्तर देखभाल र
मेकअपबाट जोकोहीलाई सुन्दर र स्मार्ट बनाउन सकिन्छ भन्ने मान्यतालाई यस शोबाट पुष्टि गर्ने बताइएको छ।
महरा भन्छिन्, ‘फेसन मिलेको ज्यान भएकाहरुका लागि मात्रै होइन, ज्यान अनुसार मिलाउनुलाई फेसन भन्ने मान्यता लाई स्थापित गर्न सबै प्रकारका जिउडाल भएकाहरुलाई र्याम्पमा उतार्दै छौं। मान्छेहरुको उचाइ, लम्बाइ र चौडाइ मात्रै सौन्दर्यको मानक होइन भन्ने देखाउन पनि हो।’
विगत १० वर्षदेखि फेसन डिजाइन क्षेत्रमै रहेका प्रेम देवा यस पटक आफू उत्साहित रहेको बताउँछन्। उनी भन्छन्, ‘पहिरनका साथै मेकअप र हेयर स्टाइलले व्यक्तित्व खुलाउँछ। यसपल्ट हामी त्यही प्रयोग गर्न लागिरहेका छौं।’
कोरियोगाफर लक्की खड्गी भने मोडल बाहेकलाई पनि ¥याम्पमा उतार्ने चुनौतीको सामना गर्न आफू तयार रहेको बताउँछन्। उनी भन्छन्, ‘विभिन्न क्षेत्रका व्यक्तित्वहरुलाई र्याम्पमा उतार्ने कुरा चुनौतीपूर्ण हो तर हामी नयाँ तरिकाले फेशन शो गर्ने भएकाले चुनौती सामना गर्न तयार भइसकेका छौं ।’
फेसन शोबाट नयाँ पहिरन र स्टाइल देखाइने मात्रै नभए व्यवसाय प्रवर्द्धन पनि हुने मान्यता हिट्का प्रालिका प्रबन्ध निर्देशक प्रदीप प्रधानको छ। त्यसैले आफू र आफ्नो कम्पनी यो फेसन शोसँग जोडिएको उनले बताए।
यसबाहेक अन्य फेसन शोहरु जस्तै यो मौसमका लागि डिजाइन भएकाका पहिरन देखाउने, नयाँ फेसन ट्रेन्डलाई सार्वजनिक गर्ने र डिजाइनरहरुका कला प्रस्तुत गर्ने आयोजकले जनाएको छ।
उक्त कार्यक्रममा गायक युवराज चौलागाइँ, गायिका आस्था राउत लगायतका गायक गायिकाले आफ्नो प्रस्तुति पस्किनेछन्। फेसन ट्रेड सिजन टु का लागि सुषमा महराका डिजाइन मेकअपहरुलाई प्रस्तुत गर्न कोरियोग्राफ लक्की खड्की, दिक्पाल कार्की, स्मित तामाङ, ड्रेस डिजाइनर प्रेम देव, एनि र मेकअप चन्द्र लामा र हेयर डिजाइनमा बिगेन तामाङ रहनेछन्। कार्यक्रममा मुख्य प्रायोजन फेसियल हाउसको रहनेछ भने सह प्रायोजन क्वेस्ट लाइफ स्टाइल, हिट्को प्रालि, अशोक कार्वन, श्रीनाथ कलेक्सन, एफक्यान, बोता मोमोले गरेका छन्।
यस्तै, टिपाज कलेक्सन, कर्पोरेट, नेपाल लाइभ डटकम, ह्वाइट मिडिया, आर्यन डिजाइन र तस्बिर स्टुडियोले सहकार्य गरेका छन्।
‘फेसन ट्रेड सिजन वान’ पोखरामा भएको थियो। नेपालमै पहिलोपल्ट तीन महिनासम्म हरेक शुक्रबार पारेर पोखरामा आयोजना गरिएको उक्त फेसन शो पोखरेलीमाझ चर्चित बनेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790764182.png)
-1790763466.png)
-1790762422.png)
-1786602170.png)
