सुरज सुब्बाकाे फिल्ममा अभिनेत्री पुजा शर्मा अनुबन्धित, खुलाइएन पारिश्रमिक

समाज

नेपाल लाइभ आइतबार, वैशाख ३०, २०७५ ०९:२५

काठमाडौं– अभिनेत्री पुजा शर्मा निर्देशक सुरज सुब्बा ‘नाल्बो’को निर्देशनमा बन्न लागेको नयाँ फिल्ममा अनुबन्धित भएकी छिन्। कलाकार, निर्देशक तथा निर्माता सुर्दशन थापाको क्याम्पमा मात्र सीमित पुजाले अब भने अन्य निर्देशकसँग काम गर्न लागेकी हुन्।

नेपाललाइभलाई प्राप्त जानकारी अनुसार पुजा र सुरजले गत बिहीबार फिल्ममा काम गर्ने सम्बन्धमा सम्झौता गरेका छन्। महँगो पारिश्रमिकमा अनुबन्धित भएको भनिए पनि पुजाले लिने रकमका बारेमा भने खुलाउन नचाहेको स्रोतले बताएको छ।

अन्तरजातिय प्रेम कथामा बन्न लागेको फिल्ममा पुजाका साथ दयाहाङ राईले अभिनय गर्ने मौखिक सहमतिको चर्चा भएपनि निमार्ण पक्षले यस बारेमा केही खुलाएको छैन।

स्रोतका अनुसार फिल्मको केही अंश नेपालमा र केही अमेरिकामा सुटिङ हुने भएकोले भिसालगायतको तयारीका लागि पुजासँग सुरजले सहमति गरेका हुन्।

यतिबेला पुजा उनकै लगानीमा निर्माण भइरहेको फिल्म ‘रामकहानी’को प्रि तथा पोष्ट प्रोडक्सनको कार्यमा व्यस्त छिन् भने निर्देशक सुब्बा अमेरिका फर्किसकेको बताइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बजेट यथार्थपरक ल्याएको छु, यसपटक त्यति टिप्पणी भएन् : अर्थमन्त्री

आलमको मुद्दामा फैसला गर्ने न्यायाधीशमाथि छानबिनको माग गर्दै न्यायपरिषदमा उजुरी

विपक्षीसँग सत्तापक्षको विश्वास- बजेट पारित गर्नु संवैधानिक दायित्व हो, सहयोग गर्नुहुन्छ