दमक- नेपाली कांग्रेसका प्रवक्ता विश्वप्रकाश शर्माले नेपालको राजनीतिको स्वरुप परिवर्तन भएको बताएका छन्।
झापाको दमकमा बिपी अध्ययन प्रतिष्ठान झापा र युथ नेटवर्कले आयोजना गरेको अन्तरसंवादमा प्रवक्ता शर्माले आफ्ना राजनीतिक माग पूरा गराउन अब सडकमा टायर बाल्ने, कालो झण्डा देखाउनेदेखि नारा जुलुस गरेर बन्द-हडताल गर्ने दिनको अन्त्य भएको जिकिर गरे।
उनले जनताले अधिकारका लागि आन्दोलित हुनुपर्ने अवस्था सधैंका लागि अन्त्य गर्नुपर्ने आवश्यकता औंल्याए।
प्रवक्ता शर्माले राजनीतिक संस्कार विस्तारै परिवर्तनतर्फ उन्मुख भएकाले अब राजनीतिमा युवाको नेतृत्वको खाँचो रहेको समेत बताए।
उनले राजनीतिमा युवाको अग्रता, अगुवाइबिना मुलुकले परिवर्तन प्राप्त नसक्ने हुँदा युवाले असल राजनीतिक संस्कारलाई जोड दिनुपर्ने बताए।
अन्तरसंवादमा सहभागी युवाले नेता शर्मासँग जिज्ञासाहरु राखेका थिए। (रासस)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786783778.jpg)
-1789386153.jpg)
-1786602170.png)
