६ महिनामा भित्रियो आधा अर्बको ‘फेस मास्क’

अर्थ समाचार

नेपाल लाइभ बिहीबार, माघ ८, २०७७ १७:२६

काठमाडौं- चालू आर्थिक वर्ष २०७७/०७८ को ६ महिनामा भारत तथा तेस्रो मुलुकबाट नेपालले झन्डै आधा अर्बको फेस मास्कमात्रै भित्रिएको छ।

६ महिनामा नेपालले भारत तथा तेस्रो मुलुकबाट कुल ६ खर्ब ६१ अर्ब २४ कराडे ५३ लाख ९४ हजार रुपैयाँ बराबरको सामान आयात भएको छ।

जसमा फेस मास्क भने ४६ करोड ५२ लाख ८२ हजार रुपैयाँ बराबरको मास्क आयात भएको भन्सार विभागले जनाएको छ।

सन् २०२० को सुरुवातीसँगै विश्वभरी कोरोनाको माहामारी फैलिएको थियो। महामारी सुरुभएसँगै फेसमास्कको माग बढेको थियो।

अहिले पनि फेस मास्कको माग घटको छैन। तर, मूल्य भने ७५ प्रतिशतले कम भइसकेको छ। सुरुवाती चरणमा प्रतिपिस मास्कको मूल्य १० रुपैयाँदेखि २० रुपैयाँसम्म पुगेको मास्कको मूल्य अहिले सरदर ५ रुपैयाँदेखि ७ रुपैयाँमा पाइन थालेको छ।

साथै नेपालमा पनि व्यवसायीले मास्क उत्पादन मेसिन ल्याएर अहिले मास्क उत्पादन गरिरहेका छन्। मास्कको बजार माग बढेसँगै एक वर्षअगाडिसम्म मेडिकलमा मात्रै पाइने मास्क अहिले खाद्यान्न पसलमा समेत पाइन्छ।

नेपालको उत्पादनसँगै अहिले भारत तथा तेस्रो देशबाट समेत मास्क नेपाल आइरहेका छ।

भन्सार विभागको तथ्यांकअनुसार अहिले नेपालले अष्ट्रेलिया, कम्बोडिया, क्यानडा, चीन, फ्रान्सलगायत ३ दर्जनभन्दा बढी मुलुकबाट मास्क आयात गर्दै आएको छ।

मास्क आयातबाट सरकारले पनि ७ करोड ९० लाख ४१ हजार राजस्व उठाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः पहाडमा हल्का बर्षा र उच्च हिमाली क्षेत्रमा हिमपातको सम्भावना

बैंकिङ कसुर तथा सजाय विधेयक, २०८० राष्ट्रियसभाबाट पारित

२१ उपसचिव र ५९ शाखा अधिकृतको सरुवा (सूचीससिहत)