गाईघाट– प्रदेश १ का मुख्यमन्त्री शेरधन राईले प्रदेशको नाम र राजधानीका विषयमा अनावश्यक मिडियावाजी भएको बताएका छन्।
उनले प्रदेशको नाम र राजधानीको विषय एक महिनाभित्र सहमतिमै टुंगो लाग्ने बताए।
प्रदेशको नाम र राजधानी नै टुंगो नलागी संसद् सचिवालयले विराटनगरमै नयाँ संसद् भवन बनाउने तयारी थालेको भन्दै कतिपय प्रदेशसभा सदस्यहरुले असन्तुष्टि जनाइरहेका बेला मुख्यमन्त्री राईको यस्तो भनाइ आएको हो।
प्रेस चौतारी र प्रेस सेन्टरले शनिबार उदयपुरको सदरमुकाम गाईघाटमा आयोजना गरेको पत्रकार भेटघाटमा बोल्दै मुख्यमन्त्री राईले प्राारम्भिक परामर्श थालेको र सहमतिमै दुवै विषय टुंगो लाग्ने बताए। सर्वोच्च शिखर सगरमाथा, सप्तकोसी लगायतका प्राकृतिक र धार्मिक सम्पदाबारे चर्चा गर्दै त्यसैमध्येबाट प्रदेशको नामकरण हुनसक्ने उनले संकेत गरे।
वर्तमान समय प्रदेशको सम्मृद्धिका लागि एकजुट हुने समय भएकाले नाम र राजधानीको किचलो नगर्न उनले आग्रह गरे। विकास र समृद्धिका लागि प्रदेश १ को सरकार अन्य प्रदेशभन्दा अगाडि बढेर काम गरिरहेको भन्दै राईले स्थानीय तह र प्रदेश सरकारका लागि चाहिने १ दर्जन विधेयक पास गरिसकेको बताए। उनले प्रदेशलाई समृद्ध बनाउनेगरी आगामी बजेट ल्याउन केन्द्र सरकारसँग छलफल गरिरहेको समेत जानकारी दिए।
केन्द्र सरकारले केही कानुनी रुपमा बाझिएका अधिकारको टुंगो लगाउन नसक्दा केही समस्या उत्पन्न भएको बताउँदै मुख्यमन्त्री राईले त्यसको टुंगो लागेपछि काम गर्न सजिलो हुने र विकासले गति लिने प्रस्ट पारे।
संघीयता कार्यान्वयनमा कर्मचारी संयन्त्र बाधक बनेको उनको आरोप छ।
‘त्यसैले गर्दा पनि स्थानीय तह, प्रदेश र केन्द्र सरकारसँग अधिकार बाँडफाँटमा विलम्ब भएको हो’, उनले भने ।
मुख्यमन्त्री राई पाँचौं उदयपुर गोल्डकप उद्घाटनका लागि गाईघाट आइपुगेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786783778.jpg)
-1789386153.jpg)
-1786602170.png)
