राजनीति

ललितानिवास प्रकरण : धरौटीमा छाड्न माग गर्दै दीप बस्न्यातले गुहारे सर्वोच्च

नेपाल लाइभ शुक्रबार, माघ २, २०७७ १६:१२

काठमाडौँ- बालुवाटारस्थित ललितानिवासको ११३ रोपनी सरकारी जग्गा कीर्ते गरेको आरोपमा थुनामा रहेका अख्तियार दुरुपयाेग अनुसन्धान आयाेगका पूर्वप्रमुख आयुक्त दीप बस्न्यात सर्वाेच्च पुगेका छन्। बस्नेत पुनरावेदन रिट निवेदन लिएर शुक्रबार सर्वाेच्च पुगेका हुन्।

पुर्पक्षका लागि थुनामा रहेका बस्न्यात आफूलाई थुनामा पठाउने विशेष अदालतको निर्णयविरुद्व सर्वाेच्च पुगेका हुन्।

विशेष अदालतले उनलाई धराैटीमा नछाेडी थुनामा पठाउने आदेश थियाे। मंसिर १८ गते विशेष अदालत उपस्थित भएका बस्न्यातसँग ४ घन्टा बयान लिएपछि अदालतले पुर्पक्षका लागि थुनामा पठाउने आदेश गरेको थियो।

यो पनि पढ्नुहोस्

पञ्चायतदेखि प्रचण्डसम्मका प्रिय पात्रको जेलयात्राआइतबार, मंसिर २८, २०७७

अख्तियार दुरुपयोग अनुसन्धान आयोगले बालुवाटारको ११३ रोपनी सरकारी जग्गा कीर्ते गरी व्यक्तिको नाममा दर्ता गरेको अभियोगमा ४ मन्त्री र तीन पूर्वसचिवसहित १ सय १० जनाविरुद्ध २०७६ माघ २२ गते भ्रष्टाचार मुद्दा दायर गरेको थियो। अख्तियारकै पूर्व प्रमुख आयुक्त, भूमिसुधार तथा मालपोतका कर्मचारी, जग्गा खरिदबिक्री गर्नेहरूविरुद्ध पनि मुद्दा दायर भएको थियो।

मुद्दा दायर गरिएकामा नेपाली कांग्रेसका नेता गच्छदार तथा भाटभटेनीका सञ्चालक मीनबहादुर गुरुङसमेत थिए। विशेष अदालतले उनीहरुलाई फागुनमै अदालत उपस्थित हुन म्याद जारी गरेको थियो। लकडाउन खुकुलो भएसँगै अदालत खुल्न थालेपछि केही आरोपी अदालतमा उपस्थित भएपनि गच्छदारसहितका केही भिआइपी भने उपस्थित भएका छैनन्।

पूर्वमन्त्रीहरुमा डम्बरबहादुर श्रेष्ठ, चन्द्रदेव जोशी र छविराज पन्त तथा पूर्वसचिव दिनेशहरि अधिकारी उपस्थित भएका छन्। उनीहरु विशेष अदालतबाट जोशी बाहेक अन्य जनही ५ लाख धरौटीमा छुटेका थिए। जोशीलाई विशेषले साधारण तारेखमा रिहा गर्ने आदेश गरेको थियो।

सबैभन्दा पहिला डिल्लीबजार मालपोत कार्यालयका अधिकृत कृष्णप्रसाद पौडेल चैत ३ गते विशेष अदालत पुगेका थिए। आयोगले पौडेलविरुद्ध ३२ करोड १९ लाख २० हजार बिगो दाबी गर्दै ८ देखि १० वर्षसम्म कैद सजाय हुनुपर्ने माग गरी मुद्दा दायर गरेको थियो।

पहिलो पटक अदालतमा हाजिर भएका पौडेललाई धरौटी नमागी थुनामा पठाउने आदेश विशेषले गरेको थियो। उनी त्यसविरुद्ध सर्वोच्च पुगेका थिए। सर्वोच्चले उनलाई धरौटीमा छाडेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उपचुनावमा सेना परिचालन गर्न राष्ट्रपतिले दिए स्वीकृति

ह्याप्पी हिल्स: स्काईवाक र मनमोहक दृश्य हेर्ने गन्तव्य

रविमाथि अनुसन्धान गर्न १५ दिन म्याद थप