काठमाडौं- सेञ्चुरी कमर्सियल बैंकले बुधबार एकै पटक नवौ र दशै वार्षिक साधारणसभा सम्पन्न गरेको छ। साधारण सभाले शेयरधनीहरुलाई गत आर्थिक वर्ष २०७५/७६ को मुनाफाबाट चुक्ता पुँजीको ४.७५ प्रतिशत नगद लाभांशको प्रस्ताव पारित गरेको छ। यसै वर्षको मुनाफाबाट २ प्रतिशत बोनस शेयरको प्रस्ताव पनि पारित गरेको छ। उक्त बोनस शेयर वितरणपछि बैंकको चुक्ता पुँजी ८ अर्ब ५८ करोड रुपैयाँ पुग्नेछ।
बैंकले आर्थिक वर्ष २०७६/७७ को मुनाफाबाट चुक्ता पुँजी ८ अर्ब ५८ करोड रुपैयाँको ५.२५ प्रतिशत बराबरको बोनस शेयरको प्रस्ताव पनि पारित गरेको हो।
साधारण सभाले लेखापरीक्षकको प्रतिवेदनसहित आर्थिक वर्ष २०७५/७६ र २०७६/७७ को आर्थिक विवरण, वासलात, नाफा नोक्सान हिसाब र नगद प्रवाह विवरण बाँडफाटलगायतका प्रतिवेदन पारित गरेको छ।
साधारण सभाले संस्थापक शेयरधनीहरुबाट प्रतिनिधित्व गर्ने तीन जना संचालक रमेश कुमार निरौला, मन बहादुर राई र रण बहादुर श्रेष्ठलाई निर्वाचित गरेको छ।
चालु आर्थिक वर्षको असोज मसान्तसम्म बैंकले कुल निक्षेप ८२.४२ अर्व रुपैयाँ र कर्जा रकम ६६.९३ अर्ब रुपैयाँ परिचालन गरी २२.०२ करोड रुपैयाँ मुनाफा आर्जन गर्न सफल भएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
