पुल्चोक वितरण केन्द्रमा समस्या आएपछि उपत्यकाका दर्जन बढी स्थानमा बिजुली काटियो

अर्थ समाचार

पुल्चोक वितरण केन्द्रमा समस्या आएपछि उपत्यकाका दर्जन बढी स्थानमा बिजुली काटियोप्राधिकरण भन्छ- आधा घण्टाभित्रै बत्ती आउँछ

नेपाल लाइभ शनिबार, पुस १८, २०७७ १४:३९

काठमाडौं- पुल्चोक वितरण केन्द्रअन्तर्गत एनसेल फिडरको केबल हेडमा समस्या आएपछि शनीबार दिउँसो उपत्यकाका दर्जन बढी स्थानमा बत्ती काटिएको छ।

उक्त फिडरअन्तर्गत पर्ने गणेशथान, एकान्तकुना, खाद्य गोदाम, मेडी सिटी हस्पिटल, आदिनाथ मार्ग, गणेस मन्दिर, मन्जु श्री मार्ग, भन्ज्याङ् पिपल बोट, मगर गाउँ, सानो खोकना र खोकानामा बत्ती काटिएको हो। त्यस्तै कार्यविनायक, बुङमती, नेवा ईट्टा, चुनिखेल, कतार एम्बेस्सी, खोईचा, फर्सिडोल, जोर्खु, टोकलमाथ, खहरे, डुकुछाप, दनुवार बस्ती लगायतका क्षेत्रहरुमा पनि विद्दुत सेवा अवरुद्द भएको छ।

प्राधिकरणका अनुसार सोमबार दिउँसो १ बजेदेखि प्राविधिक टोलीले केवल हेड खोल्ने काम थालेको र साढे ३ बजेसम्म बन्द गरिसक्ने गरी काम भइरहेको छ। केबल हेड खोल्न अधिकतम आधा घण्टा र बन्द गर्न त्यतिनै समय लाग्ने भएकाले लामो समय विद्युत नकाटिने पनि प्राधिकरणको भनाइ छ।

त्यस्तै चितवनमा पनि शनीबार दिउँसो विद्युत सेवा अवरुद्ध भएको छ। भरतपुर वितरण केन्द्रअन्तर्गत भरतपुर महानगरपालिका- १३ को पृथ्वीनगर ब्रहमपुरी र वडा नम्बर १४ मा विद्युत पोल, तारलगायत विद्युत संरचना सार्ने काम भइरहेकाले बत्ती काटिएको प्राधिकरणले जनाएको छ। प्राधिकरणको गीतानगर फिडरअन्तर्गतका क्षेत्रमा बिहान ९ बजे देखि दिउसो ४ बजेसम्म भृकुटी फिडरअन्तर्गतका क्षेत्रमा बिहान १० बजेदेखि दिउसो ४ बजेसम्म बत्ती काटिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पत्रकार हत्याको विरोध महासंघद्वारा आन्दोलनका थप कार्यक्रम तय

गर्भवती र नवजात शिशुको पोषण सुधारमा स्वास्थ्य स्वयंसेविकाको भूमिका महत्वपूर्णः स्वास्थ्यमन्त्री

दुर्गा प्रसाईंको आरटीएफ कमाण्डर राजभण्डारी पक्राउ