काठमाडौं- नेपाल टेलिकमले शुक्रबारबाट आइपी टिभी सेवा सञ्चालनमा ल्याएको छ। कम्पनीले एनटिटिभी ब्रान्डमा फाइबर टु द होम (एफटिटिएच)मार्फत् आइपी टिभी सेवा सञ्चालनमा ल्याएको जनाएको छ। सञ्चार तथा सूचना प्रविधिमन्त्री पार्वत गुरुङले आइपी टिभी सेवाको उद्घाटन गरेका हुन्।
टेलिकमले एफटिटिएच सेवाबाट भ्वाइस र इन्टरनेट सेवा उपलब्ध गराउँदै आएको थियो। अब भने कम्पनीले सोही फाइबरमार्फत आइपी टिभी सेवा थप गरी ग्राहकलाई उपलब्ध गराएको हो। कम्पनीको एनटिटिभी सेवाका लागि एफटिटिएच नेटवर्कको पहुँच भने अपरिहार्य जनाइएको छ।
तत्कालका लागि यो सेवा काठमाण्डौं उपत्यकाभित्र सुन्धारा, बबरमहल, ठिमी, बलम्बु, चाबहिल, छाउनी र गोंगबुमा उपलब्ध हुने टेलिकमले जनाएको छ। यसैगरी पाटन, हात्तिगौंडा, जोरपाटी, कीर्तिपुर, सैंबु, लुभु, नक्सालमा समेत यो सेवा उपलब्ध हुनेछ।
टेलिकमका अनुसार उपत्यका बाहिरको हकमा जहाँ जहाँ कम्पनीको फाइबर पुगेको छ, उक्त स्थानमा यो सेवा उपलब्ध हुनेछ। हाल टेलिकमको फाइबर पुगेका काभ्रे, चितवन, धनुषा, मकवानपुर, पर्सा, सिन्धुली, घनकुटा, झापा, मोरङ, सुनसरी, डोटी, कैलाली, कन्चनपुर, धादिङ, बाँके, दाङका केही स्थानमा यो सेवा उपलब्ध हुनेछ।
यसैगरी प्युठान, सुर्खेत, बागलुङ, कपिलवस्तु, कास्की, नवलपरासी, मुस्ताङ, नवलपरासी, पाल्पा, पर्वत, रुपन्देही र तनहुँमा समेत टेलिकमको एफटीटीएच नेटवर्क पुगिसकेको छ।
हाल कम्पनीको एफटिटिएच सेवामार्फत भ्वाइस, डाटा वा दुवै सेवा प्रयोग गरिरहेका ग्राहकले एनटिटिभी सेवा प्राप्त गर्न नजिकैको नेपाल टेलिकमको कार्यालयमा सम्पर्क गर्नसक्ने कम्पनीले जनाएको छ। कम्पनीका अनुसार एनटिटिभीका लागि ग्राहकले कम्पनीबाट एसटिबी (सेट टप बक्स) खरिद गर्नुपर्नेछ।
विभिन्न राष्ट्रिय टिभी च्यानल तथा विदेशी च्यानलहरु सहित उपलब्ध भएको एनटिटिभी सेवा कम्पनीले प्रिमियम र बेसिक गरी दुई प्याकेज पनि विभिन्न प्याकेज उपलब्ध गराएको छ। जसमा प्रयोगकर्ताले आफ्नो आवश्यकता र उपयुक्तता अनुसारको प्याकेज छनौट गर्न सक्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1788574660.webp)
-1786602170.png)
-1786513116.png)
-1788425345.png)
