काठमाडौं–कोरोना भाइरस (कोभिड–१९) महामारीबाट विदेशमा मृत्यु भएका श्रमिकका आफन्तलाई सहयोग गर्ने उद्देश्यले स्थापित ‘आइएमई भरोसा कोष’ को रकम वितरण सुरु भएको छ। कोषबाट आवेदकहरूलाई जनही ५० हजार रुपैयाँका दरले सहयोग रकम प्रदान गरिएको हो।
मंगलबार प्रदेश २ को सिरहामा आयोजित कार्यकमबीच आइएमई लिमिटेडका प्रबन्धक रोशन रखाल तथा आइएमई लिमिटेडका क्षेत्रीय प्रतिनिधि अरुणकुमार भण्डारीले संयुक्त रूपमा प्रसाद मण्डलकी पत्नी मञ्जुकुमारी देवीलाई चेक हस्तान्तरण गरेका हुन्।
कोभिड–१९ का कारण विदेशिएका धेरै नेपाली श्रमिकको मृत्यु भएको र आश्रित परिवारमा ठूलो पीडा थपिएको महसुस गरि आइएमईले मृतकका परिवारलाई सहयोग गर्न भरोसा कोष स्थापना गरेको थियो।
सन् २०२० को जनवरी १ देखि अक्टोबर १६ (२०७६ पुस १६ देखि २०७७ असोज ३०) सम्म कोभिड–१९ का कारण विदेशमा मृत्यु भएका नेपाली श्रमिकका नेपालस्थित आफन्तहरूले आवश्यक विवरणसहित पानीपोखरी, काठमाडौंस्थित आइएमई ग्रुपको केन्द्रीय कार्यालयहरूका साथै सबै प्रदेशमा अवस्थित प्रादेशिक कार्यालयहरूमा मंसिर १५ सम्म आवेदन दिने व्यवस्था मिलाइएको थियो।
आइएमइले २ सय २५ आइएमई सेन्टरसहित ७७ जिल्लाका करिब १२ हजार सव एजेन्ट र बैंक तथा वित्तीय संस्थाका शाखामार्फत् विदेशमा कार्यरत नेपालीले दुःख गरि कमाएको रकम उनीहरुका आफन्तका हातमा छिटोछरितो, विश्वसनीय र सुरक्षित तवरबाट वितरण गर्दै आईरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
