३ फर्मविरुद्ध २० करोड रूपैयाँ राजस्व छलीको मुद्दा

अर्थ समाचार

नेपाल लाइभ बिहीबार, पुस ९, २०७७ १८:३५

काठमाडौं- राजस्व अनुसन्धान विभागले मूल्य अभिवृद्धि करको झुटा तथा नक्कली बिजक प्रयोग गरी तथा सामानको गलत विवरण घोषणा गरी राजस्व चुहावट गरेको अभियोगमा ३ फर्मविरुद्ध राजस्व चुहावटको मुद्दा दायर गरेको छ।

विभागले ललितपुर महानगरपालिका वडा नम्बर २ सानेपामा रहेको कविला सप्लायर्स सेन्टरका प्रोप्राईटर नवलकिशोर चौधरीविरुद्ध २ करोड १४ लाख रूपैयाँको मुद्दा दायर गरेको छ।

यसैगरी शिवम प्याकेजिङ एण्ड सप्लायर्सका प्रोप्राइटर सितादेवी जयसवाल विरुद्ध पनि ५ करोड ८८ लाख रूपैयाँको मुद्दा दायर गरिएको विभागले जनाएको छ।

कागेश्वरी मनोहरा नगरपालिका काठमाडौं जय श्री गौतम सप्लायर्सका सञ्चालक मुकेशप्रसाद चौधरीविरुद्ध ५ करोड ३२ लाख रूपैयाँ बिगो कायम गरी मुद्दा दायर गरिएको विभागले जनाएको छ।

विभागले पोखरा-२२ स्थित अनुस्का मल्टिप्रपोज कम्पनीका सञ्चालक शिवलाल तिमल्सिनासहित ३ जनाबाट १ करोड ८२ लाख रूपैयाँ बिगो माग गर्दै मुद्दा पनि दायर गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुपोषणले अस्ताए ‘लाज शरणम’का विकास

मापसे गरी अभद्र व्यवहार गरेको आरोपमा प्रमुख प्रशासकीय अधिकृत पक्राउ

अनुगमनका लागि महिनामा सात पटकसम्म पुगेपछि वीरगञ्ज बालसुधार गृहमा तनाव