पाँचतारे होटल अन्नपूर्ण बन्द, श्रमिकको हालसम्मको पारिश्रमिक दिन्छौं : सञ्चालक राणा

अर्थ समाचार

नेपाल लाइभ आइतबार, पुस ५, २०७७ १९:१७

काठमाडौं- काठमाडौंको दरबार मार्गका ५ दशकदेखि सञ्चालनमा आएको पाँचतारे होटल अन्नपूर्ण सन् २०२१ सम्मका लागि बन्द हुने भएको छ।

होटलका सञ्चालक तथा होटल एसोसिएसन अफ नेपाल (हान)का अध्यक्षसमेत रहेकी सिर्जना राणाले सन् २०२१ सम्म होटल सञ्चालन नगर्ने निर्णय भएको नेपाल लाइभसँग बताइन्। कोभिड–१९ पछि बन्द भएको पाँचतारे होटल अन्नपूर्ण तत्काल खोलेर खर्च धान्न नसक्ने अवस्था आएपछि होटल नै बन्द गर्ने निर्णय गरेको बताइन्।

होटल बन्द गर्ने निर्णयसँगै अहिले कार्यरत रहेका ३६० जना कर्मचारीलाई समेत राजीनामा दिएर आफू पाउने हिसाब गर्ने भनिएको राणाले बताइन्।

‘कोभिडका कारण अझै पनि नेपालमा तत्काल पर्यटन आगमन बढन सक्ने अवस्था छैन। पर्यटक नै नआएको अवस्थामा होटल खोलेर खर्च व्यवस्थापन गर्न सक्ने अवस्था हुँदैन। सोही कारण सदाका होटल सन २०२१ भरी बन्द गर्ने निर्णय गरेका होैं,’ राणाले भनिन्।

तर, होटल बन्द भएपनि होटलमा काम गरिरहको कर्मचारीको श्रमको मूल्य सबै हिसाब गरेर भुक्तानी गर्ने राणाले जानकारी दिइन्। पछिल्ल्लो सयम अन्पूर्ण होटलका सञ्चालकहरुमा विवाद भइरहेको थियो। होटलको लगानी र जग्गाको विषय चरम विवादमा पुगको छ।

सञ्चालकले होटल बन्दको निर्णय गरेसँगै कर्मचारीहरूले राजीनामा दिन थालेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिठी आदानप्रदान हुन छाडेपछि गोरखाका २१ अतिरिक्त हुलाक कार्यालय बन्द

भीमफेदी डढेलोमा जलेर एक जनाको मृत्यु

हैदराबादविरुद्ध कोलकाताको बलियो योगफल