वैदेशिक रोजगारीका लागि पोर्चुगल पुगेका पोखराका एक युवाको मृत्यु

इन्टरटेनमेन्ट लाइभ

नेपाल लाइभ बुधबार, वैशाख २६, २०७५ ०४:१४

लिस्वन– वैदेशिक रोजगारीका सिलसिलामा पोर्चुगल आएका एक नेपाली युवाको निधन भएको छ।

राजधानी लिस्वनस्थित एक रेष्टुराँमा कार्यरत पोखरा, रामबजारका २८ वर्षीय सुजत कार्कीको निधन भएको गैरआवासीय नेपाली संघ, पोर्चुगलका अध्यक्ष कुबेर कार्कीले जानकारी दिए।

अध्यक्ष कार्कीका अनुसार अचेत अवस्थामा फेला परेका कार्कीको उपचारका लागि प्रहरीले अस्पताल लैजाँदै गर्दा निधन भएको हो। कार्कीलाई गत बैसाख १८ गतेका दिन प्रहरीले अचेत अवस्थामा सडकमा फेला पारेको थियो।

उनी विगत तीन वर्षदेखि पोर्चुगल बस्दै आएका थिए। परिवार र आफन्तजनको सल्लाहबमोजिम उनको शव पोर्चुगलमै अन्त्येष्टी गरिने तयारी गरिएको अध्यक्ष कार्कीले बताए। कार्कीको शव परीक्षण रिपोर्ट भने प्राप्त नभएको उनले बताए।

कार्कीको शव लिस्वनस्थित मार्तिम मोनिजमा रहेको साओ जोशे अस्पतालमा राखिएको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय