पूर्वाधार विकास बैंकका सिइओ अनिल ज्ञवाली बाहिरिए, निमित्तको जिम्मेवारी भूपेन्द्र पौडेललाई

अर्थ समाचार

नेपाल लाइभ मंगलबार, मंसिर ३०, २०७७ १५:४५

काठमाडौं- पूर्वाधार विकास बैंकका प्रमुख कार्यकारी अधिकृत अनिल ज्ञवाली बाहिरिएका छन्। बैंकको सञ्चालक समितिले ज्ञवालीलाई उनको कार्यकाल सकिएको भन्दै बिदाई गरेको हो। ज्ञवाली २०७५ मंसिरमा नियुक्त भएका थिए।

उनलाई दुई वर्षको लागि नियुक्त गरिएको भन्दै २०७७ मंसिर २८ गतेदेखि कार्यकाल सकिएको सञ्चालक समितिले जनाएको छ।

ज्ञवाली बाहिरिएसँगै बैंकको सञ्चालक समितिले नायव प्रमुख कार्यकारी अधिकृत भुपेन्द्र पाण्डलेलाई अर्को व्यवस्था नभएसम्मका लागि निमित्त प्रमुख कार्यकारी अधिकृतको जिम्मेवारी दिएको छ। बैंकिङ क्षेत्रमा लामो अनुभव भएका ज्ञवाली सबैभन्दा ठूलो बैंक भएको हिसाबले नेपाल इन्फ्रास्ट्रक्चर भित्रिएका थिए। तर उनलाई तत्कालीन अर्थमन्त्री डा. युवराज खतिवडाले खासै रुचाएका थिएनन्।

ज्ञवालीले बैंकको प्राथमिक सेयर निष्काशनको प्रकृयालाई अन्तिम चरणमा पुर्‍याएका छन्। नेपाल धितोपत्र बोर्डबाट अनुमति पाउने बित्तिकै ८ अर्ब रुपैयाँको प्राथमिक सेयर निष्काशन गर्ने अन्तिम अवस्थामा रहेको बैंकका प्रमुख कार्यकारी अधिकृत ज्ञवाली भने बाहिरिएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवीन्द्र मिश्र र धवलशमशेरको स्वास्थ्य जाँच र उपचार प्रबन्ध गर्न अदालतको आदेश

धवलशमशेर र रवीन्द्रसहित ४१ जनालाई थप ६ दिन हिरासतमा राख्न अदालतको अनुमति

रेविका र दिनेशलाई झुक्किएर गोली लागेको प्रहरीको स्पष्टिकरण