लगानी बोर्डका सिइओ भट्टको योग्यतासम्बन्धी विवादको रिट खारेज

अर्थ समाचार

नेपाल लाइभ बुधबार, मंसिर १७, २०७७ १७:३८

काठमाडौं- नेपाल लगानी बोर्डका प्रमुख कार्यकारी अधिकृत सुशील भट्टको योग्यता सम्बन्धमा परेको रिट खारेज भएको छ। उच्च अदालत पाटनले निवेदकको दाबी नपुग्ने भन्दै रिट खारेज गरिदिएको हो।

उच्च अदालत पाटनका मुख्य न्यायाधीश कुमार चुडाल र न्यायाधीश नरिश्वर भण्डारीको संयुक्त इजलासले रिट खारेज हुने फैसला गरेको हो। 'सरकारले गरेको नियुक्ति सदर गर्दै हाम्रो दावी नपुग्ने फैसला भयो,' निवेदक अधिवक्ता जयबहादुर भुजेलले भने।

खुला प्रतिस्पर्धाबाट बोर्डको प्रमुख कार्यकारी अधिकृत नियुक्त भएका भट्टको योग्यता नपुग्ने दाबी गर्दै भुजेलले उच्च अदालत पाटनमा रिट दायर गरेका थिए। मन्त्रिपरिषदको साउन १९ गतेको बैठकले भट्टलाई प्रमुख कार्यकारी अधिकृत नियुक्त गरेको थियो।

भुजेलले दायर गरेको रिटमा सुनुवाइ गर्दै सुरुमा उच्च अदालतले भट्टलाई काम नगर्न/नगराउन आदेश दिएको थियो। तर भदौमा अन्तरकालीन् अन्तरिम आदेश खारेज भएसँगै भट्टले कामलाई निरन्तरता दिएका थिए।

उनी प्रमुख कार्यकारी अधिकृत भएपछिको लगानी बोर्डको पहिलो बैठकले ३८ अर्ब रूपैयाँ लगानी स्वीकृत गर्ने निर्णय गरेको छ। त्यस्तै बोर्डका विभिन्न दीर्घकालीन् कार्ययोजना र कानुन सुधारका निर्णय पनि बैठकले गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दार्चुलामा आप्रवासी स्रोत केन्द्र

दुई छोरासहित हमासका वरिष्ठ नेताको मृत्यु

प्रदूषण बढेकाले यी गतिविधि नगर्न महानगरको अपील