काठमाडौं- अनलाइन बजार, दराजले र नबिल बैंकबीच सम्झौता भएको छ। साझेदारीमा दराज सारथी कार्यक्रम सञ्चालनका लागि दराज र बैंकबीच सम्झौता भएको हो।
यस रणनीतिक साझेदारीअन्तर्गत, दराज अनलाइन सपिंग बजारमार्फत् व्यापार गरिरहेका साना तथा मध्यम व्यवसायीहरूले एसएमई अब विभिन्न कर्जा सुविधाहरु उपयोग गर्न सक्नेछन्। महामारीका कारण आइपरेको आर्थिक संकटले अहिले विशेष गरी एसएमईमा गम्भीर प्रभाव पारेको छ।
सारथी कार्यक्रममार्फत् दराजमा सक्रिय एसएमई बिक्रेताहरुलाई महामारीका कारण सिर्जित कठिनाइहरूसँग जुध्न सहज पुर्याउने विश्वास गरिएको छ।
यो एसएमई कार्यक्रम योग्यतामा आधारित हुनेछ। बिक्रेताको प्रदर्शनअनुसार सुविधाहरू हुनेछन्। दराज सारथी कार्यक्रममार्फत् एसएमई बिक्रेताहरुले कुल ५० करोडसम्मको वित्तीय सहयोग प्राप्त गर्ने मौका पाउनेछन्। साथै दराजमा सहभागी एसएमई बिक्रेताहरूले थप सुविधा नि पाउनेछन्‚ जसमा आकर्षक ब्याज दरमा थप १० करोडसम्म लोन रकम पर्दछ।
त्यस्तै बिक्रेताहरुले अन्य आकर्षक सुविधाहरुसम्म पाउने उल्लेख गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1767770856.png)
