भ्याटमा कोरोना असर : विवरण नबुझाउने करदाता ३८ प्रतिशत नाघे

अर्थ समाचार

भ्याटमा कोरोना असर : विवरण नबुझाउने करदाता ३८ प्रतिशत नाघे अघिल्लो वर्ष २५ प्रतिशत रहेका नन् फाइलरको संख्या एकैवर्ष उच्च दरमा बढ्यो

नेपाल लाइभ मंगलबार, मंसिर ९, २०७७ १२:१४

काठमाडौं- मूल्य अभिवृद्धि कर (भ्याट)मा विवरण नबुझाउने करदाता (नन् फाइलर)को संख्या एकै वर्ष उच्च दरमा बढेको छ। आर्थिक वर्ष २०७५/०७६ मा नन् फाइलरको संख्या २५ प्रतिशत रहेकोमा गत आर्थिक वर्ष २०७६/०७७ मा ३८.४६ प्रतिशत पुगेको हो।

गत आर्थिक वर्षमा कोरोना भाइरसको संक्रमणका कारण लकडाउन गरिएका कारण विवरण र कर दुवै नबुझाउनेको संख्या बढेको आन्तरिक राजस्व विभागले जनाएको छ। 'गत वर्ष फागुनसम्मको अवस्था सामान्य थियो, त्यसपछि भने विवरण नबुझाउनेको संख्या बढेको हो,' विभागका उपमहानिर्देशक मुक्तिप्रसाद पाण्डेले भने।

कोरोनाका कारण लकडाउन गर्दा विवरण र कर बुझाउने समय पनि थपिएको थियो। केही करदाताले चालु आर्थिक वर्षको सुरुवाती महिनामा विवरण र कर बुझाएका कारण पनि त्यो संख्या समावेश नभएको उनले बताए 'भदौसम्म पनि गत वर्षको विवरण बुझाउने करदाता थिए, हामीले गत आर्थिक वर्षको अन्त्यसम्मको विवरण संकलन गरेर वार्षिक प्रतिवेदन तयार गरेका हौँ,' पाण्डेले भने।

विभागका अनुसार आर्थिक वर्ष २०७५/०७६ को अन्त्यसम्ममा भ्याटतर्फ नन् फाइलर २५.१ प्रतिशत र फाइलर ७४.९ प्रतिशत थिए। गत आर्थिक वर्षमा भ्याट फाइलर कूल करदाताको ६१.५४ प्रतितशतमा झरेको छ। भ्याटको डेबिट रिटर्नतर्फ आर्थिक वर्ष २०७५/०७६ मा २५.०६ प्रतिशत थियो। गत आवमा यो संख्या २२.१७ प्रतिशत कायम भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

समूह विजेता बन्ने लक्ष्यसहित नेपाल आज भारतसँग भिड्दै

लुम्बिनीकी जनमत पार्टीकी सांसद गीता गुरुङले दिइन् राजीनामा

बाल सुधार गृहमा बस्दै आएका ३ जना फरार