काठमाडौं– पूर्वसांसद वीरबहादुर लामाको निधन भएको छ। उनको पाटन अस्पतालमा उपचारका क्रममा निधन भएको हो।
उच्च रक्तचाप र मधुमेहका बिरामी उनको दुवै मिर्गौला फेल भएपछि निधन भएको बताइएको छ। मकवानपुर जिल्ला सभापति र प्रतिनिधि सभा सदस्य भइसकेका उनी चर्चित नख्खु जेल ब्रेककर्तामध्येका एक हुन्।
पञ्चायतको विरोधमा लागेको भन्दै उनलाई तत्कालीन वाग्मती विशेष अदालतले ५ वर्ष जेल सजाय र ५ हजार जरिवाना तोकेको नेकपा नेता सुरेन्द्र पाण्डे बताउँछन्।
२०३३ वैसाखमा मे दिवसको सन्दर्भमा छरिएको पर्चा उनी कार्यरत कोरियन दूतावासको लिथो मेसिन प्रयोग गरि गोप्य ढंगले छापिएको थियो। त्यही कसुरमा उनी जेल परेका थिए। एक वर्षपछि उनीलगायत १५ जना राजबन्दीहरु सुरुङ खनेर भागेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
