एजेन्सी–अमेरिकी राष्ट्रपति डोनाल्ड ट्रम्पले फेरि धाँधलीको आरोप लगाएका छन्। मतगणना जारीमध्ये धेरै क्षेत्रमा अग्रता कायम राखेका उनलाई जितको विश्वास कमजोर बन्दै गएको छ भने हारको डरले घेरिरहेको छ।
उता जो बाइडन जित सुनिश्चित भएजस्तै गरी अभिव्यक्ति दिइरहेका छन्। यसको कारण गणना जारी पोस्टल मत हुन्। अर्थात् हुलाकबाट आएका मत। कोरोना महामारी र व्यस्तताका कारणले धेरैले पोस्टल मतदान गरेका छन्। मतदानको यस व्यवस्थालाई बाइडनले आफ्ना समर्थकमाझ पुर्याएका थिए र यसरी मतदान गर्न उक्साएका थिए। तर ट्रम्पले यसमा उति चासो दिएनन्। बरु शंकाको दृष्टिले हेरिरहेका थिए।
अहिले नतिजा त्यही पुगेर नङ टोक्नुपर्ने तनावको अवस्थामा पुगेको छ। यसरी भएका मतदानमा ७५ प्रतिशत बाइडनका देखिन थालेका छन्। त्यसैले सुरुमा ट्रम्पले लिएको अग्रता घटाउँदै गएङ्का छन् बाइडेनले। विशेषगरी जर्जिया र पेन्सिलभेनियामा यस्ता मत गन्दा ट्रम्पलाई ठूलो धक्का लागेको छ।
जर्जिया– यहाँ सुरुमा ट्रम्प धेरै अगाडि थिए। तर अहिले बाइडेनले उनलाई ३५ सयभन्दा कम भोट अर्थात् ० दशमलब १ प्रतिशतको अन्तरमा झारेका छन्। गन्न बाँकी १९००० भोट छ। बाँकी भोट एटलान्टा र स्केवेड क्षेत्रका हुन्, जहाँ बाइडेन लोकप्रिय छन्।
पेन्सिलभेनिया– यहाँ सुरुमा ट्रम्पले झन्डै १२ प्रतिशतले उछिनेका थिए बाइडनलाई । तर अहिले ९० प्रतिशत मत गनिदा ० दशमलब ४ प्रतिशतको अग्रता छ ट्रम्पको। ५ लाख ५० हजार भोट गन्न बाँकी छन्। मत गन्न त्यहीँका बाँकी छन् जहाँ सन् २०१६मा हिलारी क्लिन्टनले धेरै मत ल्याएकी थिइन्। पोस्टल भोट भएकाले बाइडनले ७५ प्रतिशत मत पाउने अपेक्षा गरिएको छ। जसले ट्रम्पलाई समस्यामा पारेको छ।
नेभाडा– यहाँ बाइडेनले १२ हजार भोटले उछिनिरहेका छन्। अझै ६३ हजार २ सय मत गन्न बाँकी छन्। ती बाँकी रेनो र लस भेगासका हुन्। बाइडेनले अग्रता बढाउने अपेक्षा गरिएको छ किनभने लस भेगास डेममोक्र्याटको गढ मानिन्छ। त्यो पनि हुलाकबाट आएका मत भएकाले बाइडनको सम्भावना बलियो छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
