एजेन्सी–लाखौं मत गणना गर्न बाँकी रहेकै समयमा अमेरिकी राष्ट्रपति डोनाल्ड ट्रम्पले आफूले चुनाव जितेको दाबी गरेका छन्। ह्वाइटहाउसबाट देशबासीलाई सम्बोधन गर्दै उनले चुनाव जितेको दाबी गरेका हुन्।
उनले आफ्ना परिवार र समर्थकलाई धन्यवाद दिँदै भने, ‘हामीले जित्यौं।’ उनले आफूहरु विजय उत्सव मनाउन तयार भएको उल्लेख गर्दै चुनावमा धोका भएको बताए।
‘हामीले एक ठूलो विजय उत्सवको तयारी गरिरहेका थियौं, तर अचानक केही समूहले मानिसहरुको मताधिकारसँग खेलबाड गरिरहेको सुन्यौं। टेक्सास, फ्लोरिडा, ओहायोमा हामीले चुनाव जितेका छौं, उनीहरुलाई थाहा छ उनीहरुले जित्न सक्दैनन्, यसैले यस विषयलाई अदालतमा लैजान चाहन्छन्, यो कुरा मलाई पहिलादेखि नै थाहा थियो र भनि पनि सकेको छु,’ उनले भने।
उनले मतदानको समय समाप्त भएपछि पनि मतदान गर्न दिइएको भन्दै आपत्तिसमेत जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
