काठमाडौं- र्याप गायक भिटेन (समीर घिसिङ)लाई पक्राउ नगर्न उच्च अदालत पाटनले अन्तरिम आदेश जारी गरेको छ। फौजदारी कसुरमा अभियोजन र अनुसन्धान गर्न पक्राउ गर्न सक्ने भएपनि गीतसंगीतको विषयमा उनलाई पक्राउ गर्नुपर्ने कारण नदेखिएको भन्दै अदालतले यस्तो आदेश गरेको हो।
उच्च अदालतका मुख्य न्यायाधीश नहकुल सुवेदीको इजलासले भिटेनलाई धरपकड नगर्न प्रहरी प्रधान कार्यालय र साइबर ब्युरोको नाममा अन्तरिम आदेश जारी गरेको अदालतका प्रवक्ता शम्भु रेग्मीले बताए।
भिटेनले आफूलाई पक्राउ गर्न लागेपछि उच्च अदालत पाटन पुगेका थिए। उनले उच्च अदालत पाटनमा निषेधाज्ञा निवेदन दर्ता गराउँदै आफूलाई पक्राउ नगर्न आदेशको माग गरेका थिए।
भिटेनका तर्फबाट उच्च अदालतमा कात्तिक १६ गते निवेदन दर्ता गरिएको थियो। दसैं बिदा समाप्त भएर अदालत खुले लगत्तै उनले उच्चमा निवेदन दिएका थिए।
कात्तिक ८ गते भिटेनको युट्युब च्यानलमा सार्वनजिक गीतमा प्रयोग गरिएका शब्दहरुलाई लिएर उनको आलोचना भएको थियो। भिडियोमा उनले अश्लिल शब्दको प्रयोग र प्रहरीलाई गाली तथा आलोचना गरेका थिए।
प्रहरी प्रधान कार्यालय नक्सालले अनुसन्धान अगाडि बढाउन केन्द्रीय अनुसन्धान ब्युरोलाई पत्राचार गरेपछि उनले युट्युबबाट गीत हटाएका थिए। नम्बर एक ट्रेन्डिङमा रहेको गीत उनले हटाएका थिए। भिटेनले आफ्नो भिडियो युट्युबबाट हटाएर माफी समेत मागेका थिए। प्रहरीको अनुसन्धानको घेरामा परेपछि जुनसुकै समयमा पक्राउ गर्न सक्ने देखेपछि उनी उनी अदालत पुगेका थिए।
एक वर्षअघि उनलाई महानगरीय अपराध महाशाखाको टोलीले गीतमा उनले प्रहरीलाई डण्ठे सम्बोधन गरेकोदेखि अश्लील गाली गरेको भन्दै पक्राउ गरेको थियो। गीतमा उनले पुलिस चौकीभित्रै गर्छु दारु खाँदै मस्ती भन्ने वाक्य समेत प्रयोग गरेकामा आपत्ति जनाइएको थियो।
पछिल्लो भिडियोको सुरुमा नै प्रहरीको गाडी विस्फोट गराएको देखाइएको छ। यसपटक पनि प्रहरीलाई ‘डण्ठे’ शब्द दोहोर्याएका छन्। यही विषयलाई लिएर प्रहरीले भिटेनको गीतमाथि अनुसन्धान सुरु गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
