अमेरिका– अमेरिकामा चुनावलाई लिएर यस्तो माहोल कहिल्यै थिएन, जुन यसपटक देखिँदैछ। हतियारधारी गिरोहका सदस्यहरु गृहयुद्धको धम्की दिइरहेका छन्। राष्ट्रपति डोनाल्ड ट्रम्प पनि शान्तिपूर्ण सत्ता परिवर्तनको ग्यारेन्टी दिन तयार छैनन्। दक्षिणपन्थी र उग्र बामपन्थी एकजुट हुने खतरा छ।
देशभर मेयर र प्रहरी प्रमुख सुरक्षाको आश्वासन दिइरहेका छन्। उनीहरुले मतदातालाई धम्काउने, आक्रमण हुनेजस्ता विषयको सामनाका लागि रणनीति सार्वजनिक गरेका छन्। अर्कोतर्फ कतिपय विशेषज्ञले ३ नोभेम्बरमा हुने मतदानका विषयमा गरिएका यी आशंका गलत सावित हुने बताइरहेका छन्।
सहर र ग्रामीण इलाकामा सुरक्षाका लागि नेसनल गार्डस् तैनाथ गरिएका छन्। कति स्वयंसेवी संगठनले पनि खराब स्थितिको सामना गर्ने तयारी गरेका छन्। आफ्नो २५ वर्षको इतिहासमा इन्टरनेशनल क्राइसिस ग्रुपले पहिलोपल्ट चुनावमाथि रिपोर्ट जारी गरेको छ। ग्रुपको काम ज्यानै जाने तहको संघर्ष रोक्नका लागि चेतावनी जारी गर्नु हो। उसले रिपोर्टमा भनेको छ– देशमा अस्वाभाविक खतरा छ। चुनावको दिन नजिक आउँदै गर्दा अशान्तिको पृष्ठभूमि पनि तयार छ।
सुरक्षा निकायले पनि यस्तै चिन्ता व्यक्त गरेका छन्। होमल्यान्ड सेक्युरिटी विभागले आफ्नो मासिक रिपोर्टमा चुनावी सभा, मतदान केन्द्र र रजिष्ट्रेसन केन्द्रमा हिंसा हुने आँकलन गरेको छ। फिलाडेल्फियामा प्रहरीबाट एक अश्वेतको मत्युपछि भड्किएकाहरुको उग्र विरोध प्रदर्शन भइसकेको छ। यसपछि रिटेल कम्पनी वालमार्टले देशभरमा आफ्नो स्टोर हटाउने निर्देशन दिएका छन्।
पछिल्ला केही महिनादेखि अमेरिकाको कित सहरमा प्रहरी ज्यादतिको विरोधमा प्रदर्शन भएका छन्।
शुक्रबार शिकागोका मेयर लोर लाइफूटले दश दिनको आपतकालीन योजना घोषणा गरेका छन्। सम्भावित हिंसा रोक्न सयौं ठूला बाहन सहरमा राखिएका छन्। प्रहरी बन्दोबस्ती बढाइएको छ।
इनियल नेसनल गार्ड्सले राज्य चुनाव बोर्डको सहयोगका लागि ४० साइबर सुरक्षा विशेषज्ञ उपलब्ध गराएको छ। विस्कन्सिनमा ४ सय नेसनल गार्डस् स्थानीय चुनाव अधिकारीलाई सहयोग गरिरहेका छन्। यी सादा कपडामा तैनाथ छन्।
टेक्सास नेसनल गार्डसले एक हजार सैनिकलाई तयारी अवस्थामा रहन भनेको छ। मेने, मिसिगन, नेभाडा र विस्कन्सिनमा मतदातालाई धम्काउने व्यक्तिमाथि नियन्त्रणका लागि विशेष निर्देशन जारी गरिएको छ। ट्रम्पद्वारा चुनावी प्रक्रियामा धाँधलीको प्रयास हुन सक्ने आशंकामा त्यस्ता गतिविधि रोक्नका लागि स्वयंसेवी संगठन मैदानमा उत्रिएका छन्। राजनीतिक एक्सन ग्रुप कम डिफेनस्ले रिटायर्ड सैनिकलाई सक्रिय बनाएको छ। ग्रुपका सदस्य अफगान युद्धमा भाग लिइसकेका सैनिक छन्। तीमध्य एक पेरी ओ ब्रायनले भने–ट्रम्पले आफ्ना समर्थकलाई मतदान केन्द्रमा ध्यान दिन भनेका छन्। यसपछि हामी सक्रिय भएका हौं।
उनले थपे, ‘ट्रम्प स्पष्ट रुपमा मतदातालाई डराउने प्रयास गरिरहेका छन्।’ ग्रुपले अहिले २०० रिटायर्ड सैनिकलाई तनावपूर्ण समयमा मुकाबिला गर्न तालिम दिएको छ। टिमको नाम ‘डेमोक्रेसी क्विन रिएक्सन फोर्स’ दिइएको छ। नोभेम्बर ३ मा देशका ४५ स्थानमा रिटायर्ड सैनिक तैनाथ गरिनेछन्।
केही राज्यमा हुलाक मतपत्रमा गडबडीको आशंका
मेडिसन, विस्कान्सिनमा डेमोक्रेटिक पार्टीका समर्थक मार्क पोकन भन्छन्, ‘कति मान्छेहरु राष्ट्रपति ट्रम्पको नियतलाई लिएर सशंकित छन्। ट्रम्प चुनावका लागि जे पनि गर्न सक्छन्।’ केही सर्वेक्षणहरुमा२२ प्रतिशत अमेरिकीले मात्र निष्पक्ष चुनाव हुनेमा भरोसा जनाएका छन्। ४६ प्रतिशतले निष्पक्ष नहुने बताएका छन्। राष्ट्रपतिले चुनावमा धाँधली गर्ने विषयले आशंकाको बिउ रोपेको छ। यसले गर्दा हुलाकबाट हुने मतपत्रमा गडबडीको आशंका गर्न थालिएको छ। अमेरिकीहरुलाई लाग्छ–संवैधानिक संकट पैदा हुन सक्छ। तर सन् २००० पुनस् मतदानमा रिपब्लिकन उम्मेदवारको प्रतिनिधित्व गर्ने बेन्जामिन गिन्सवर्ग यी आशंका गलत सावित हुने बताउँछन्।
हुलाक मतपत्रका विषयमा मिसिगन, विस्कन्सिन र पेन्सिलभेनियाका सम्बनधमा बढी चिन्ता छ। चुनाव परिणामका दृष्टिबाट यी तीन राज्य महत्वपूर्ण छन्। यहाँ डेमोक्रेटिक पार्टीका गभर्नर छन्। सिनेटमा रिपब्लिकन पार्टीको बहुमत छ। यहाँ चुनावको नियममाथि तीव्र विवाद भएको छ। यहाँ हुलाक मतपत्र निकै हप्तासम्म चल्ने अवस्था छ। ढिलाइ हुने अवस्थामा ट्रम्प र रिपब्लिकन पार्टी अदालत जान सक्छन्।
(डब्लु जे हेनिगनले टाइम म्यागजिनका लागि तयार पारेको सामग्रीको भावानुवाद०
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
