अहमदावाद- भारतीय प्रधानमन्त्री नरेन्द्र मोदीले समुद्री विमान सेवाको उद्घाटन गरेका छन्। शनिबार नर्मदा जिल्लामा पर्ने केभाडियाबाट अहमदावादको साबरमतीमा अवतरण गरी प्रधानमन्त्री मोदीले समुद्री विमानको सेवा सुरु गरेका हुन्।
दुई दिने गुजरात भ्रमणका क्रममा रहेका प्रधानमन्त्री मोदीले सरदार पटेलको १४५औँ जन्मजयन्तीमा समुद्री विमान सेवाको सुरु गरेका हुन्। समुद्री विमान सेवा प्रधानमन्त्री मोदीको ड्रिम प्रोजेक्टका रूपमा व्याख्या गरिँदै आएको छ।
करिब २ सय किमीको यो दुरीमा भारतीय नागरिकले १५ सय रुपयाँमा एकतर्फी उडान यात्रा गर्न पाउनेछन्। यो करिब ४० मिनेटको फ्लाइट हुने बताइएको छ।
समुद्रमाथि अवतरण गर्न सक्ने ट्विनअटर-३०० मोडलको यो विमानमा १५ सिट क्षमता छ। यो विमानले केभाडियादेखि साबरमतीको दुरीमा दैनिक ४ उडान गर्न सक्ने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
