काठमाडौं–राष्ट्रिय परिचयपत्र तथा पञ्जीकरण विभागले १ सय जना कर्मचारी मागेको छ। गृह मन्त्रालयअन्तर्गतको विभागले १ सय जना कर्मचारी मागेको हो। राष्ट्रिय परिचयपत्रको वितरण दर्ता गर्न उक्त संख्यामा कर्मचारी माग भएको हो।
विभागले एक सूचना प्रकाशित गरि विवरण दर्ता अपरेटर पदका लागि करारमा १ सय जना कर्मचारी मागेको छ। इच्छुक व्यक्तिले बिहीबारदेखि १५ दिनभित्रमा दरखास्त फारम भर्न सक्ने सूचनामा उल्लेख छ।
विभागले प्राप्त आवेदनका आधारमा मंसिर १३ गते लिखित परीक्षा गर्ने तयारी गरेको छ। इच्छुक व्यक्तिले आवेदन दिन पैसा लाग्ने छैन भने १८ वर्ष पूरा भई ३५ वर्ष ननाघेको नेपाली नागरिकले दरखास्त दिन सक्ने छन्।
दरखास्त दिनेको योग्यता प्लस टु पास गरेको हुनुपर्नेछ। छनोट भएका व्यक्तिले काम गरेको दिनको पारिश्रमिक १२ सय रुपैयाँ पाउनले विभागले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
