भक्तपुरमा ३ हजार नजिक संक्रमित‚ ३३ जनाको मृत्यु‚ होम आइसोलेसनभन्दा अस्पतालमा जोड

कोरोना अपडेट

दुर्गा दुलाल शुक्रबार, असोज २३, २०७७ १४:२३

भक्तपुर- काठमाडौंसँगै जोडिएको भक्तपुर जिल्लामा हाल कोरोना संक्रमितको संख्या ३ हजार नजिक पुगेको छ। काठमाडौं जिल्लामा २९ हजार संक्रमित पुग्दा जोडिएको भक्तपुरमा भने न्युनमात्रमा संक्रमित भेटिएका छन्। जिल्ला स्वास्थ्य कार्यालय भक्तपुरको असोज २२ गतेसम्मको तथ्यांकअनुसार २८ सय ९७ जनामा संक्रमण पुष्टि भएको छ। जसमा महिला १२ सय ६५ र पुरुष १६ सय ३२ रहेका छन्।

यीमध्ये १३ सय ५२ संक्रिय संक्रमित रहेका छन्। महिला ५ सय ९१ र पुरुष ७ सय ६१ रहेका छन्। संक्रमितमध्ये १ हजार ६० जना होम आइसोलेसनमा रहेका छन्। होम आइसोलेनमा रहेकामा महिला ४ सय ९१ र पुरुष ५ सय ६९ जना रहेका छन्। अस्पतालमा २ सय ९२ संक्रमित रहेका छन्। अस्पतालमा रहेका संक्रमितमध्ये महिला एक सय र पुरुष १ सय ९२ जना रहेका छन्।

भक्तपुरमा हालसम्म १५ सय १२ जना संक्रमणमुक्त भएका छन्। जसमा महिला ८ सय ४८ पुरुष ६ सय ६४ रहेका छन्। हालसम्म ३३ संक्रमतिको मृत्यु भएको छ। यसरी मृत्यु हुनेमा महिला १० र पुरुष २३ रहेका छन्। जिल्ला स्वास्थ्य कार्यालयमा प्रमुख कृष्णबहादुर मिजारले भक्तपुुरका सबै स्थानीय तहले कन्ट्याक्ट ट्रेसिङदेखि बिरामीको अवस्थासम्म अनुगमन गर्ने गरेको बताए। अधिकांश संक्रमितहरुमा लक्षण नभएको अवस्थामा होम आइसोलेनमा राखिएको उनले बताए।

लक्षण देखिएका र जोखिमको उमेर समूहका संक्रमितहरुलाई भने अस्पतालमा राखेर उपचार गर्ने गरिएको छ। भक्तपुरमा १३ वटा अस्पतालले संक्रमितहरुको उपचार गरिरहेको उनले बताए।

प्रशस्त बेड र भेन्टिलेटर
भक्तपुरका १३ वटा अस्पतालले कोरोना संक्रमितका लागि बेड छुट्याएकाले बेड अभाव नरहेको उनले बताए। १३ अपस्तालका १ सय ६८ बेड कोरोनाका लागि बनाइएका छन्। तीमध्ये ३१ बेडमा संक्रमित रहेका छन्। भेन्टिलेटर १२ र आइसियु १९ वटा रहेका छन्। तीमध्ये ५ वटा आइसियू बेडमा उपचार भइरहेको छ। त्यस्तै ७ वटा आइसोलेसन पनि बिरामीको उपचारका लागि तयारी अवस्थामा राखिएको छ।

खरिपाटी, कृषि तालिम केन्द्र , तेलकोट खानेपानी, सैनिक स्कुल, सैनिक ब्यारेक गरी ७ सय ३ आइसोलेसन बेड रहेका छन्। जसमा ३ सय ६० जनालाई राखिएको छ।

भक्तपुरमा कोरोना संक्रमण पुष्टि
भक्तपुर नगरपालिका : ८१६ (महिला : ३८५, पुरुष : ४३१)
चागुनारायाण नगरापालिका : २९५ (महिला : १०४, पुरुष : १९१)
मध्यपुर थिमी नगरपालिका : १०६९ (महिला : ४८१, पुरुष : ५८८)
सुर्यविनायक नगरपालिका : ६८३ (महिला : २८२, पुरुष : ४०१)
अन्य : ३४
जम्मा संक्रमित : २८९७ (महिला : १२६५, पुरुष : १६३२)

संक्रिय संक्रमित
भक्तपुर नगरपालिका : ३९०
चागुनारायाण नगरापालिका : १२८
मध्यपुर थिमी नगरपालिका : ४१०
सुर्यविनायक नगरपालिका : ३९०
अन्य : ३४
जम्मा : १३५२ (महिला : ५९१, पुरुष : ७६१)

अस्पतालमा
भक्तपुर नगरपालिका : ११९
चागुनारायाण नगरापालिका : २९
मध्यपुर थिमी नगरपालिका : ७१
सुर्यविनायक नगरपालिका : ७३
जम्मा : २९२ (महिला : १००, पुरुष : १९२)

निको भएको
भक्तपुर नगरपालिका : ४१६
चागुनारायाण नगरापालिका : १६६
मध्यपुर थिमी नगरपालिका : ६४३
सुर्यविनायक नगरपालिका : २८७
जम्मा : १५१२ (महिला : ८४८, पुरुष : ६६४)

मृत्यु
भक्तपुर नगरपालिका : १०
चागुनारायाण नगरापालिका : १
मध्यपुर थिमी नगरपालिका : १६
सुर्यविनायक नगरपालिका : ६
जम्मा : ३३ (महिला : १०, पुरुष : २३)

होम आइसोलेसनमा
भक्तपुर नगरपालिका : २७१
चागुनारायाण नगरापालिका : ९९
मध्यपुर थिमी नगरपालिका : ३३९
सुर्यविनायक नगरपालिका : ३१७
अन्य : ३४
जम्मा : १०६० (महिला : ४९१, पुरुष ५६९)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।