एजेन्सी- नेपालमा बर्सेनि बन्ने फिल्ममध्ये ७० प्रतिशत असफल बन्ने गरेका छन्। विश्वका अन्य देशमा बन्ने फिल्म पनि सबै सफल हुँदैनन्। सन् २०१८ को मेसम्म विश्वमा सर्वाधिक व्यापार गर्न सफल १० हलिउड फिल्महरु यस्ता छन्—
१०. स्टार वार (द लास्ट जेडी)
हलिउड फिल्मको इतिहासमा फिल्म स्टार वार अहिलेसम्मको सर्वाधिक व्यापार गर्ने टप १० फिल्म हो। सन् २०१७ मा बनेको फिल्म अहिले पनि विश्वका विभिन्न देशमा प्रदर्शनरत छ।
फिल्मले अहिलेसम्म १ अर्ब ३३ करोड २४ लाख १६ हजार ७ सय १४ डलर कमाइ गरिसकेको छ। २१ करोड ६० लाख अमेरिकी डलर खर्चिएको यस फिल्ममा रिअन जोहनसनको लेखन तथा निर्देशन रहेको छ।
९. ब्ल्याक प्यान्थर
सन् २०१८ को सुपरहिट अमेरिकन फिल्म हो ब्ल्याक प्यान्थर। यो फिल्म अहिले कतिपय स्थानमा चलिरहेको छ। रायन कोग्लरको निर्देशनमा निर्माण बनेको फिल्मको लगानी करिब २१ करोड अमेरिकी डलर रहेको छ।
फिल्म बलिउड इतिहासकै सर्वाधिक नवौँ सफल स्थानमा व्यापार गर्न सफल बनेको छ। फिल्मले अहिलेसम्म १ अर्ब ३३ करोड ३६ लाख ६८ हजार ७ सय ७७ डलर बराबरको व्यापार गरिसकेको छ।
८. ह्यारी पोर्टर एन्ड डेथ्ली हलोयुज– पार्ट २
सन् २०११ मा फ्यान्टासी जनरामा बनेको यो फिल्म डेभिट येट्सद्वारा निर्देशित हो। यो फिल्म विश्वभर सर्वाधिक व्यापार गर्ने फिल्ममध्ये आठौं स्थानमा छ।
करिब २५ करोड अमेरिकी डलरमा निर्माण भएको फिल्मले १ अर्ब ३४ करोड १५ लाख ११ हजार २ सय १९ अमेरिकी डलरको व्यापार गरेको थियो।
७. एभेन्जर्स एज अफ अल्ट्रा
सन् १०१५ मा निर्माण भएको अमेरिकन सुपरहिरो फिल्म हो एभेन्जर्स एज अफ अल्ट्रा। जोस वेडनद्वारा निर्देशन गरिएको यस फिल्मलाई मार्भल स्टुडियोले निर्माण गरेको हो।
२ घन्टा २१ मिनेट लामो यो फिल्म २०१५ मे १ बाट अमेरिमा प्रदर्शनमा आएको थियो। फिल्मले आफ्नो १ अर्ब ४० करोड ५४ लाख ३ हजार ६ सय ९४ डलरको व्यापार गरेको छ। यो हलिउड फिल्ममध्ये उत्कृष्ट व्यापारको सातौं नम्बमा छ।
६. फ्युरियस ७
सन् २०१५ को अमेरिकन एक्सन फिल्म हो फ्युरियस ७। जेम्स वानको निर्देशन तथा क्रिस मोर्गनको लेखन रहेको फिल्म अप्रिल ३, २०१५ बाट अमेरिकामा प्रदर्शनमा आएको थियो।
करिब १९ करोड अमेरिकी डलरमा बनेको फिल्म विश्वका सर्वाधिक कमाइ गर्ने उत्कृष्ट १० मध्ये छैटौं फिल्म हो। फ्युरियस ७ ले विश्वभरको व्यापारमा कुल १ अर्ब ५१ करोड ६० लाख ४५ हजार ९ सय ११ अमेरिकी डलर व्यापार गरेको छ। २ घन्टा १७ मिनेट लामो फिल्मले अहिलेसम्म विभिन्न ९ विधामा अवार्ड हात पारेको छ।
५. द एभेन्जर्स
अमेरिकी सुपरहिरो फिल्म द एभेन्जर्स २०१२ मे ४ बाट अमेरिकामा प्रदर्शनमा आएको फिल्म हो। जोस वेडनद्वारा निर्देशित फिल्मलाई केभिन फेइजले निर्माण गरेका हुन्। फिल्म २ घन्टा २३ मिनेट लामो छ।
विश्वको सर्वाधिक व्यपार गर्न सफल १० फिल्महरुमा द एभेन्जर्स पाँचौं नम्बरमा पर्दछ। २२ करोड अमेरिकी डलर लगानी रहेको फिल्मले १ अर्ब ५१ करोड ८८ लाख १२ हजार ९ सय ८८ डलरको व्यापार गरेको थियो।
४. ज्युरासिक वर्ल्ड
२०१५ को अर्को सुपरहिट फिल्म हो ज्युरासिक वर्ल्ड। साइन्स फिक्सन एड्भेन्ट्युरको कथामा आधारित फिल्मलाई कोलिन ट्रेभोरोले निर्देशन गरेका थिए भने फ्रयांक मार्शलले निर्माण गरेका हुन्।
२ घन्टा ४ मिनेट लामो यो फिल्म बनाउन १२ करोड ९३ लाख अमेरिकन डलर खर्चिइएको थियो। फिल्मले विश्वभर १ अर्ब ६७ करोड १७ लाख १३ हजार २०८ अमेरिकी डलरको व्यापार गरेको थियो। यो फिल्म सर्वाधिक व्यापार गर्न सफल फिल्ममध्ये चौथो नम्बरमा पर्दछ।
३. स्टार वार्स (द फोर्स वेकनस्)
स्टार वार्स अर्थात् स्टार वार्स शृंखला ७ सन् २०१५ को अर्को सर्वाधिक सफल फिल्म हो। जेजे अब्राह्मको सहलेखन तथा निर्देशनमा तयार फिल्म डिसेम्बर १४, २०१५ बाट लाओस एन्जेल्सबाट प्रदर्शनबाट आएको थियो।
२ घन्टा १५ मिनेट लामो फिल्मलाई २५ करोड ८६ लाख अमेरिकी डलर खर्चमा बनेको हो। फिल्मले विश्व कुल २ अर्ब ६ करोड ८२ लाख २३ हजार ६२४ अमेरिकी डलरको व्यापार गरेको थियो। यससँगै फिल्म स्टार वार्स विश्वमा सार्वाधिक व्यापार गर्ने फिल्मको तेस्रो नम्बरमा रहेको छ।
२. टाइटानिक
सन् १९९७ मा बनेको फिल्म टाइटानिक विश्वमा सर्वाधिक व्यापार गर्ने दोस्रो नम्बरमा पर्छ। जेम्स क्यामरोनको लेखन तथा निर्देशनमा बनेको टाइटानिकमा लिओनार्दो डिकार्पियो र केट विन्स्लेटको अभिनय रहेको छ।
करिब २० करोड अमेरिकी डलरमा बनेको फिल्म ३ घन्टा १५ मिनेट लामो छ। फिल्मले विश्वभर कुल २ अर्ब १८ करोड ७४ लाख ६३ हजार ९ सय ४४ अमेरिकी डलरको व्यापार गरेको थियो।
फिल्मलाई १९९७ नोभेम्बर १ बाट जापानको टोकियोमा र सन् १९९७ डिसेम्बर १९ बाट अमेरिकामा प्रदर्शन गरिएको थियो।
१. अवतार
फिल्म अवतार अहिलेसम्मको रेकर्डमा विश्व फिल्म बजारमा सर्वाधिक बढी व्यापार गर्ने पहिलो फिल्म बनेको छ। जेम्स क्याम्रोनको लेखन, निर्देशन तथा लगानीमा बनेको फिल्म सन् २००९ को सुपरहिट फिल्म हो।
कुल २ अर्ब ७८ करोड ७९ लाख ६५ हजार ८७ अमेरिकी डलरको व्यापार गरेको फिल्म २ घन्टा ४१ मिनेट लामो छ।
फिल्मको लगानी करिब २४ करोड ६० लाख अमेरिकी डलर रहेको थियो। साम वर्थिङटोन, जाई साल्डाना लगायतका कलाकारको अभिनय रहेको फिल्मलाई डिसेम्बर १७ मा लन्डनमा प्रदर्शन गरिएको थियो भने २००९ डिसेम्बर १७ बाट युकेमा र डिसेम्बर १८ बाट अमेरिकामा प्रदर्शन गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
