विश्व

निर्वाचनमा धाँधलीको आरोपपछि किर्गिजस्तानका प्रधानमन्त्रीले दिए राजीनामा

नेपाल लाइभ बुधबार, असोज २१, २०७७ ०७:३४

एजेन्सी–निर्वाचनमा धाँधली भएको आरोप लगाउँदै निर्वाचन आयोगले नतिजा रद्द गरेपछि किर्गिजस्तानका प्रधानमन्त्री कुवात्वेक बोरोनोभले राजीनामा दिएका छन्। कोरोना महामारीका बीच किर्गिजस्तानमा आइतबार संसदीय निर्वाचन भएको थियो। निर्वाचनमा धाँधली भएको आरोप लगाउँदै राजधानी बिस्केकमा ठूलो प्रदर्शन भएको थियो।

संसदको मंगलबार बसेको आपतकालीन बैठकले विपक्षी मेकेन्चिल पार्टीका संस्थापक सादिर झापारोभलाई अन्तरिम प्रधानमन्त्री नियुक्त गरेको छ। सरकारी अधिकारीलाई अपहरण गरेको आरोपमा साढे ११ वर्षको जेल सजाय भोगिरहेका उनलाई प्रदर्शनकारीले मुक्त गराएका थिए।