काठमाडौं–गैरआवासीय नेपाली संघ (एनआरएनए) ले कोभिड–१९ कारण रोजगारी गुमाएर विदेशमा अलपत्र लाखौं नेपालीलाई स्वदेश फर्काउने योजना सार्वजनिक गर्न नेपाल सरकारसँग माग गरेको छ। एनआरएनएको १३ औं युरोपेली बैठकले सरकारलाई आग्रह गरेको हो। एनआरएनए को १३ औं युरोपेली बैठक एवं दोश्रो ज्ञान सम्मेलन आइतबार सकिएको हो।
अहिले खाडी, मलेसियालगायतका मुलुकमा रोजगारी गुमाएका लाखौं नेपाली स्वदेश फर्कन पर्खिरहेकाले खासगरी महिला, बिरामी, अशक्त, आर्थिक अभाव बेहोरिरहेका नेपालीलाई निःशुल्क उडानको व्यवस्था मिलाउन पनि आग्रह गरेको छ।
त्यस्तै वैदेशिक रोजगारलाई मर्यादित र सुरक्षित बनाउन एनआरएनएले विभिन्न समयमा पेश गरेका बुँदामा मन्त्रीस्तरीय निर्णय भइसकेर पनि लागू नभएका विषय तत्काल लागू गर्न बैठकले आग्रह गरेको छ।
बैठकले सन् २०१९ मा नेपाल सरकारले गरेको अन्तर्राष्ट्रिय लगानी सम्मेलनमा नेपालको पूर्वाधार क्षेत्रमा लगानी गर्ने गरी १० अर्ब रुपैयाँको लगानी कोष स्थापना गर्न आफूले गरेको सहमति कार्यान्वयन गर्ने प्रतिबद्धता जनएको छ।
उक्त कोष स्थापना गर्नका लागि देखिएका कानुनी एवं प्रक्रियागत अड्चन हटाइदिनका लागि नेपाल सरकारसँग अनुरोध गर्दै बैठकले यूरोपस्थित नेपालीहरुलाई उक्त कोषमा लगानी गर्न पनि आह्वान गरेको छ।
यस्तै, केही वर्ष देखि युरोपले नेपाली राष्ट्रिय ध्वजावाहकलगायत सबै नेपाली वायु सेवालाई युरोपको आकाशमा उड्नमा प्रतिबन्ध लगाइरहेकोमा यथाशिघ्र त्यसलाई हटाइ युरोपेली आकाश खुला गर्न हाल भइरहेका कूटनीतिक प्रयासलाई तीव्र पार्न एनआरएनएले सरकारलाई आग्रह गरेको छ।
नेपालीहरुको बढ्दो संख्यालाई ध्यानमा राखी युरोपका माल्टा, पोल्याण्ड र पोर्चुगलमा नेपाली राजदूतावास स्थापना गर्न बैठकले आह्वान गरेको छ। कूटनीतिक नियोगहरु स्थापना नहुँदासम्म ती मुलुकहरुमा सहज र नजिक हुने कूटनीतिक नियोगमा हस्तान्तरण गराउनसमेत एनआएनएले आग्रह गरेको छ।
युरोपले एक अल्पविकसित मुलुकका रुपमा नेपाललाई सहुलियतपूर्ण निर्यात गर्ने सुविधा दिएको तर त्यसको पर्याप्त उपयोग गर्न नसकिएकाले नेपालका हस्तकला, पश्मिना, चिया, कफीलगायतका उत्पादनहरुको निर्यात युरोपेली बजारमा वृद्धि गर्न र र आ–आफ्नो घरमा नेपाली उत्पादनहरुको प्रयोग बढाउन प्रोत्साहित गर्न एनआरएनए तथा एनआरएनहरुले विशेष भूमिका निर्वाह गर्ने निर्णय गरिएको छ।
यसैगरी संसारभरि नेपाली वस्तु निर्यात तथा नेपालमा विदेशी लगानी प्रवर्धन गर्न संसारका धेरैजसो देशहरुसंग दोहोरो कर तिर्नु नपर्नेसम्बन्धि सन्धि, लगानी प्रवर्धनसम्बन्धी सन्धि गर्न नेपाल सरकारलाई बैठकले आग्रह गरेको छ।
नेपाल पर्यटन बोर्ड र नेपाल सरकारले अगाडि सारेको ुपर्यटन पुनरुत्थान रणनीतिु अनुसार नेपालमा पर्यटनक्षेत्रको पुनरुत्थानका लागि एउटा भरपर्दो साझेदारको रुपमा काम गर्न गैरआवासीय नेपाली संघ तत्पर रहेको बताउँदै उक्त रणनीतिमा आन्तरिक पर्यटनसँग एनआरएन पर्यटनको विषयलाई पनि अरु स्पष्ट रुपमा उल्लेख गर्न बैठकले आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769064009.png)
-1764146706.png)
