विद्युत महसुल असोज २२ गतेसम्म तिर्दा मात्रै विलम्ब शुल्क मिनाहा

अर्थ समाचार

नेपाल लाइभ मंगलबार, असोज १३, २०७७ २०:४०

काठमाडौं- कोभिड-१९ महामारीका कारण विद्युत महसुल भुक्तानीमा उपभोक्तालाई समस्या परेको भन्दै उर्जा, जलश्रोत तथा सिंचाईमन्त्री वर्षमान पुनले नेपाल विद्युत प्राधिकरणलाई विलम्ब शुल्क नलिन निर्देशन दिएपछि प्राधिकरणले असोज २२ गतेसम्म बिल तिर्दा अतिरिक्त शुल्न नलिने भएको छ। त्यस्तै असोज २३ गतेदेखि असोज ३० गतेसम्म महशुल बुझाउँदा भने थप ५ प्रतिशत बिलम्ब शुल्क तिर्नुपर्ने प्राधिकरणले जनाएको छ।

‘२०७७ साल भाद्र महिनामा देशका अधिकांश स्थानहरुमा कोभिड १९ को संक्रमणले गर्दा लकडाउन भएकाले विद्युतको मिटररिडिङ तथा बिलिङ समयमा हुन नसकी महसुल भुक्तानीका सम्दर्भमा उपभोक्ता वर्गमा अन्योल उत्पन्न भएको भन्ने बुझिन आएको छ,’ प्राधिकरणले मंगलबार बेलुका जारी गरिएको सूचनामा भनिएको छ, ‘भाद्र महिनाको महशुल भुक्तानी गर्दा छुट तथा थप दस्तुर लाग्ने समय हेरफेर गरी २०७७ आश्विन २२ गते सम्म महशुल भुक्तानी गरेमा कुनै थप दस्तुर नलाग्ने र आश्विन २३ देखि ३० गते सम्म भुक्तानी गर्दा ५ प्रतिशत मात्र थप दस्तुर लाग्ने व्यवस्था गरिएको छ।’

कुनै उपभोक्ताले २०७७ साल भाद्र महिनाको महसुल भुक्तानी गर्दा थप दस्तुर यसअघि नै तिरिसकेको भए उक्त रकम आगामी बिलमा समायोजन गरिने पनि प्राधिकरणले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव

सहायक सेनानी पदमा बढुवा भएकालाई दर्ज्यानी चिह्न प्रदान