समयमै काम नगरेकाले युनाइटेड विल्डर्स र दिवा/शैलुङ जेभीको ठेक्का रद्द

अर्थ समाचार

नेपाल लाइभ बुधबार, असोज ७, २०७७ १४:०५

काठमाडौं-काठमाडौं उपत्यका सडक विस्तार आयोजनाले समयमै काम नगर्ने दुई ठेकेदारको ठेक्का रद्द गरेको छ। आयोजनाले चाबहिल-जोरपाटी-साँखु र ढोलाहिटी-सुनाकोठी-चापागाउँ सडक निर्माणका लागि दिएको ठेक्का तोडेको हो।

आयोजनाले चाबहिल–जोरपाटी–साँखु सडक विस्तारको ठेक्का पाएको युनाइटेड विल्डर्स एन्ड इन्जिनियर्स प्रालि र ढोलाहिटी–सुनाकोठी–चापागाउँ सडक विस्तारको ठेक्का पाएको दिवा/शैलुङ जेभीसँग भएको ठेक्का तोडेको हो।

ठेकेदार कम्पनीहरुले आयोजना निर्माण कार्यको सम्झौता सर्त अनुसार प्रगति नगरेको, कोभिड-१९ का कारण देखाइ थप मागिएको समयमा समेत कार्यसम्पन्न गर्नेतर्फ कुनै ठोस चासो नदेखाएकाले ठेक्का तोडिएको सूचना आयोजनाले जारी गरेको छ। आफूलाई कालोसूचीमा राख्नु नपर्ने कारण भए ७ दिनभित्र आयोजना कार्यालयमा उपस्थित हुन पनि आयोजनाले भनेको छ।

ठेकेदार कम्पनीबाट चित्तबुझ्दो कारण नआए आयाेजनाले उनीहरुलाई कालोसूचीमा राख्नका लागि सार्वजनिक खरिद अनुगमन कार्यालयलाई सिफारिस गर्ने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव