'डमरुको डण्डीबियो' को फरक प्रचार शैली, टुँडिखेलमा दर्शकसँग खगेन्द्र लामिछानेको भिडन्त

समाज

नेपाल लाइभ आइतबार, वैशाख १६, २०७५ ०२:३८

काठमाडौं – लेखक तथा अभिनेता खगेन्द्र लामिछाने शनिबार काठमाडौंको टुँडिखेलमा आफ्ना प्रशंसक तथा शुभेच्छुकहरुसँगै देखिए। बैसाख २१ गतेबाट प्रदर्शनमा आउन लागेको फिल्म ‘डमरुको डण्डीबियो’को प्रचारमा खटिएका खगेन्द्र अन्य कलाकारहरुसँगै त्यहाँ पुगेका थिए।

नेपालको पूर्वराष्ट्रिय खेल डण्डीबियोको कथावस्तुमा आधारित रहेर निर्माण भएको फिल्म ‘डमरुको डण्डीबियो’मा खगेन्द्र मुख्य भूमिकामा देखिँदै छन्। फिल्मलाई खगेन्द्रलेनै लेखेका हुन्।

शनिबार फिल्म युनिटले फिल्मको प्रचारका लागि आयोजना गरेको ठ्याक (डण्डीबियो खेलको ठ्याक) प्रतियोगितामा खगेन्द्र टुँडिखेलमा पुगेका हुन्। सो प्रतियोगितामा सयौं प्रतिस्पर्धीले भाग लिएका थिए।

प्रतियोगितामा सिठ्ठो ठ्याक लगाउनेलाई २ हजार ५ सय, छैठौं ठ्याक लगाउनेलाई १ हजार ५ सय, पाँचौं ठ्याक लगाउनेलाई ५ सय बराबरको खाना, कफी कुपन, टिसर्ट तथा क्याप र इनर्जी ड्रिंक्सको व्यवस्था गरिएको थियो। त्यस्तै तियोरचारो लगाउनेलाई टिसर्ट र पेन पुरस्कार दिइएको थियो।

फिल्मका लामिछानेसहित आशान्त शर्मा, लक्ष्मी बर्देवा निर्माताद्वय नोर्बु छिरिङ घले, विनोद गुरुङ लगायतका कलाकारले प्रतिस्पर्धीसँगै ठ्याक लगाए। टुँडिखेलमा खगेन्द्र पुग्दा फ्यानहरुले पशुपतिप्रसाद भन्दै सेल्फी लिन झुम्मिएका थिए।

छेतेन गुरुङ निर्देशित ‘डमरुको डन्डीबियो’मा खगेन्द्र लामिछाने, मेनुका प्रधान, बुद्दी तामाङ, अनुप बराल, अंकित खड्का, आशान्त शर्मा, लक्ष्मी बर्देवा, मिश्री थापा, इंगि होपू कोइंच सुनवार, नमिता घिसिङ लगायतका कलाकारको अभिनय छ।

समृद्दी इन्टरटेनमेन्टको व्यानरमा निर्माण भएको सिनेमामा नोर्बु छिरिङ घले र विनोद गुरुङको संयुक्त लगानी रहेको छ। फिल्ममा हरि हुमागाईंको छायाँकन, निमेष श्रेष्ठ र प्रितम पाण्डेको सम्पादन रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हाजिरी जमानीमा छुटे प्रमुख अध्यागमन अधिकृत भट्टराई

भारतका शीर्षस्थ माओवादी नेता बसवराजुसहित २७ लडाकु मारिए

आगामी मनसुनमा सरदरभन्दा बढी वर्षा हुने प्रक्षेपण, यस्तो छ तापक्रमको आँकलन