विवाहको खर्च कटाएर विद्यालयलाई एक लाख ५० हजार रकम प्रदान

समाज

नेपाल लाइभ शुक्रबार, वैशाख १४, २०७५ ०६:१०

धनगढी- धनगढीमा एक युवाले विवाहको खर्च कटाएर विद्यालयमा रकम सहयोग गरेका छन्। गत ५ गते वैवाहिक जीवनमा बाँधिएका सौनक भट्टले धनगढी–५, हसनपुरस्थित पञ्चोदय माध्यामिक विद्यालयलाई एक लाख ५० हजार रुपैयाँको चेक हस्तान्तरण गरेका हुन्। उनी धनगढी उपमहानगरपालिकाकी उपप्रमुख सुशिला मिश्र भट्टका छोरा हुन्।

विवाहमा भव्य कार्यक्रम नगरी विवाहमा लाग्ने रकमलाई कटौती गरी विद्यालयमा रहेका गरिब, जेहेन्दार विद्यार्थीहरुलाई छात्रवृति प्रदान गर्न सो रकम सहयोग गरेको उनले बताए। सौनकले चेक विद्यालय व्यवस्थापन समितिका अध्यक्ष प्रमोद भट्टलाई हस्तान्तरण गरे।

‘आमा–बुवाको प्रेरणा र सुझावले सामाजिक कार्यमा अग्रसर बनायो,’ रकम हस्तान्तरण कार्यक्रममा उनले भने, 'योसँगै अब मेरो सामाजिक कार्यको सुरुवात भएको छ।'

सो अवसरमा विद्यालयका प्राधानाध्यापक पदम कुँवरले सहयोग रकमलाई मुद्दती खातामा राखेर आएको ब्याजबाट कक्षा ११ र १२ मा पढ्ने जेहन्दार, गरिब छात्रछात्रालाई छात्रवृति प्रदान गरिने बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सगरमाथा आरोहण गरेका प्रहरीको पदोन्नति

पानीको सतह बढेपछि ‘बेलिब्रिज’ झिकियो

सुनको मूल्य पुनः एक लाख ९० हजार नाघ्यो, चाँदीको कति ?