काठमाडौं- नेपाल एसबिआई बैंकको नाफामा ३३.२३ प्रतिशतले गिरावट आएको छ। बैंकले गत आर्थिक वर्ष २०७६/७७ मा एक अर्ब ५३ करोड रुपैयाँ नाफा आर्जन गरेको छ।
अघिल्लो आर्थिक वर्षमा बैंकको नाफा दुई अर्ब २९ करोड रुपैयाँ थियो। तर, वितरण योग्य नाफा भने ९८ करोड ६१ लाख रुपैयाँ मात्रै छ। यस आधारमा सेयरधनीले ११ प्रतिशत लाभांश पाउन सक्छन्।
बैंकको खुद ब्याज आम्दानी ९.६८ प्रतिशतले घटेर चार अर्ब २४ करोड रुपैयाँ आर्जन गरेको छ। अघिल्लो वर्ष बैंकले चार अर्ब ७० करोड रुपैयाँ आर्जन गरेको थियो। बैंकले गत वर्ष निक्षेप संकलन १२ प्रतिशतले बढाउँदा कर्जा विस्तार भने ६ प्रतिशतले भन्दा सकेन। गत वर्ष बैंकले एक खर्ब १० अर्ब रुपैयाँ निक्षेप संकलन गरी ८९ अर्ब ६१ करोड रुपैयाँ कर्जा लगानी गरेको छ।
पुँजी कोष अनुपात १५ प्रतिशत छ। खराब कर्जा सामान्य बढेको छ। कर्जा विस्तार गर्न नसकेको बैंकको सिसिड अनुपात ११ प्रतिशतले घटेर ६३ प्रतिशत मात्रै छ। आधार ब्याजदर ९.२५ प्रतिशत छ। प्रतिसेयर आम्दानी १० रुपैयाँले घटेर १७ रुपैयाँमा झरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
