एनआईसी एशियाको नाफा ३.२५ प्रतिशतले बढ्यो, लाभांस भने १४ प्रतिशतमात्रै दिन सक्ने

बैंक/बिमा/सेयर

नेपाल लाइभ शुक्रबार, साउन ३०, २०७७ ११:०८

काठमाडौं-एनआईसी एशिया बैंकले ३.२५ प्रतिशतले नाफा बढाएको छ। बैंकले गत आर्थिक वर्षमा तीन अर्ब १२ करोड रुपैयाँ नाफा आर्जन गरेको छ। अघिल्लो आर्थिक वर्षमा भने बैंकले तीन अर्ब २ करोड रुपैयाँ नाफा आर्जन गरेको थियाे।

तर कोभिड-१९ ले कर्जा बिग्रँदा बैंकको वितरणयोग्य मुनाफा भने एक अर्ब ४४ करोड रुपैयाँमात्रै छ। यस आधारमा शेयर धनीले गत आर्थिक वर्षको नाफाबाट १४ प्रतिशतमात्रै लाभांस पाउन सक्ने छन्।

अधिकांश बैंकको खुद व्याज आम्दानी घटेर नाफामा असर परेको थियो। तर एनआईसी एशियाको भने ९.२६ प्रतिशतले बढेको छ। खुद व्याज आम्दानी ७ अर्ब ६० करोड रुपैयाँ छ। अघिल्लो वर्ष ६ अर्ब ९६ करोड रुपैयाँ थियो।

बैंकले गत आथिक वर्षमा दुई खर्ब एक अर्ब निक्षेप संकलन गरि एक खर्ब ६० अर्ब रुपैयाँ कर्जा लगानी गरेको छ। अघिल्लो आर्थिक वर्षको तुलनामा बैंकले १७ प्रतिशतले निक्षेप बढाएको छ भने १२ प्रतिशतले कर्जा विस्तार गरेको छ।

खराब कर्जा ०.२९ प्रतिशतले बढेर ०.७५ प्रतिशत छ। बैंकले आफ्नो कष्ट अफ फण्ड १.४१ प्रतिशतले घटाएर ५.५६ प्रतिशत बनाएकाे छ। आधार व्याजदर पनि घटेर ७.७ प्रतिशतमा झारेको छ। साथै प्रतिशेयर आम्दानी भने २ रुपैयाँले घटेर ३२ रुपैयाँमा झरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजावादीसँग साँठगाँठको आरोपलाई भीम रावलले गरे अस्वीकार, बालेनसँग सहकार्यका लागि खुला रहेको प्रतिक्रिया

सुनको मूल्यमा भारी वृद्धि, कतिमा भइरहेको छ कारोबार?

विपक्षी दलहरूले आज संयुक्त पत्रकार सम्मेलन गर्दै