समाचार

डोटीमा बस दुर्घटना, ३ जनाको मृत्यु, ३१ घाइते

ललित बोहरा बुधबार, साउन २८, २०७७ ०८:१०

डोटी-डोटीमा बस दुर्घटना हुँदा ३ जनाको घटनास्थालमै मृत्यु भएको छ। धनगढीबाट अछामका लागि छुटेको ना ६ ख २५२९ नम्बरको बस डोटीको पूर्वीचौकी गाउँपालिका-१ तल्लो फुलोटमा दुर्घटनामा परेको हो।

दुर्घटनामा परि ३ जनाको घटनास्थालमै मृत्यु भएको जिल्ला प्रहरी कायर्यालय डोटीले जनाएको छ। मृत्यु हुनेहरुको सनाखत भएको छैन। बसमा ३४ जना सवार रहेकोमा ३ जनाको घटनास्थलमै मृत्यु भएको र अन्य ३१ सबैजना घाइते भएका ट्राफिक प्रहरी कार्यालय अत्तरियाका प्रमुख ट्राफिक प्रहरी उपरीक्षक लोकेन्द्रबहादुर श्रेष्ठले जानकारी दिए।
घाइते सबैलार्इ जिल्ला अस्पताल लगिँदै गरिएको प्रहरीले जनाएको छ।