४१ जिल्लाका डिभिजन सहकारी कार्यालय स्थानीय तहलाई हस्तान्तरण

अनुसन्धान

नेपाल लाइभ आइतबार, वैशाख ९, २०७५ ०९:२४

काठमाडौं– सरकारले ४१ जिल्लाका डिभिजन सहकारी कार्यालय स्थानीय तहलाई हस्तान्तरण गरेको छ।

आर्थिक पत्रकारहरुसँग कुरा गर्दै कृषि, भूमि तथा सहकारी मन्त्रालयका सचिव गोपीनाथ मैनालीले हालसम्म ४१ जिल्लाका डिभिजन सहकारी कार्यालय स्थानीय तहमा हस्तान्तरण भएको र आगामि जेठ महिनाभित्र सबै जिल्लाका सहकारी स्थानीय तहलाई हस्तान्तरण गर्ने बताए।

सरकारले संघीय संरचना अनुसार सहकारी संस्थाहरु सञ्चालनको सम्पूर्ण अधिकार स्थानीय तहलाई हस्तान्तरण गर्दै २०७४ चैत २८ गतेबाट सम्पूर्ण डिभिजन सहकारी कार्यालयको खारेजी गरेको थियो।

स्थानीय सरकारलाई सहकारी संघसंस्था दर्तादेखि नियमनलगायतका अधिकार दिइएको सचिव मैनालीले बताए। उनले भने, ‘संविधानमा सहकारीको दर्ता एवम् नियमनको अधिकार स्थानीय तहलाई दिएपछि मन्त्रालयले सहकारी विभाग र डिभिजन कार्यालयमा रहेको सहकारी कार्यक्रमका लागि छुट्याइएको बजेट पनि स्थानीय तहमा पठाएको छ।’

स्थानीय तहमा सहकारीको हस्तान्तरणले त्यहाँको आर्थिक विकासमा टेवा पुग्ने उनले बताए। उनले भने, ‘स्थानीय सरकारले सहकारीलाई प्राथमिकतामा राखेर अगाडि बढ्यो भने आर्थिक वृद्धि गर्न सकिनेछ। साथै, स्थानिय सरहकारलाई सहकारीको महत्व बुझाउन केन्द्रीय सरकारले पहल गर्नुपर्ने छ।’

हाल देशभर ३४ हजार ५ सय १२ बचत तथा ऋण सहकारी संस्थाहरु सञ्चालनमा छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय