काठमाडौं– युवा रोजगारीका लागि रुपान्तरण पहल आयोजनाअन्तर्गत नेपालमा रोजगारी विस्तारको कार्यक्रम सुरु भएको छ।
श्रम, रोजगार तथा सामाजिक सुरक्षामन्त्री रामेश्वर राय यादव र नेपाल, माल्दिभ्स र श्रीलंकाका विश्ब बैंकका राष्ट्रिय निर्देशक फारिस हदाद, जर्भोसल आज (सोमबार) आयोजनाको सुभारम्भ गरेका हुन्।
यो कार्यक्रमका लागि विश्व बैंकले नेपाल सरकारलाई १२० मिलियन अमेरिकी डलर अर्थात् (करिब १४ अर्ब नेपाली रुपैयाँ ) सहयोग गरेको छ।
सरकारले युवा रोजगारीका लागि रुपान्तरण पहल आयोजना प्रधानमन्त्री रोजगार कार्यक्रममा आबद्ध गराउने उल्लेख गरेको छ।
कार्यक्रममा बोल्दै मन्त्री यादवले यो आयोजनाले अतिविपन्न बेरोजगार युवाहरुलाई रोजगारी उपलब्ध गराउन तथा क्षमता अभिवृद्धि गर्न आयोजनाले महत्वपूर्ण भूमिका खेल्ने बताए।
त्यस्तै श्रमिक सूचना बैंकमार्फत् युवाहरुलाई सीप तथा सीपअनुसारको रोजगारी उपलब्ध गराउन श्रमिक सूचना बैंक स्थापना गर्न लागिएको र रोजगार सूचना व्यवस्थापन प्रणालीलाई समेत व्यवस्थित गर्दै लैजाने मन्त्री यादवको भनाइ थियो।
त्यस्तै श्रीलंकाका लागि विश्व बैंकका राष्ट्रिय निर्देशक फारिस हदादले यो आयोजनामार्फत् १ लाख बेरोजगार युवाहरुलाई रुपान्तरण गर्न सकिने बताए। ६० प्रतिशत महिला श्रमिकहरु यस कार्यक्रमबाट लाभान्वित हुने उनले बताए।
ऋणका लागि अर्थसचिव डा राजन खनाल र विश्व बैंकका देशीय निर्देशक परिस एच हदाद जेर्भसले अघिल्लो वर्ष नै ऋण सम्झौता गरेका थिए।
सो ऋण बापतको रकम ४ वर्षका लागि उपलब्ध गराइएको विश्व बैंकले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772936454.png)
-1772926073.png)
-1764146706.png)
